حریت کانفرنس کے صدر میر واعظ عمر فاروق۔ (فائل فوٹو)
ہندوستان-پاکستان میں کشیدگی کے درمیان حریت کانفرنس کے صدرمیرواعظ عمرفاروق نے امن کی دعا کی۔ انہوں نے کہا کہ دونوں ممالک میں جنگی ہتھیارتیارہیں، نیوکلیئرہتھیارتیارہیں، ایسے میں توہم خدا سےامن اورامن کی ہی دعا کرتے ہیں۔
میرواعظ عمر فاروق نے کہا کہ پتہ نہیں کیا صورتحال ہوگی۔ اپنے سوشل میڈیا پوسٹ میں انہوں نے کہا، “جیسا کہ جنگ کا خطرہ بڑھتا جا رہا ہے اور کئی لوگوں کی قیمتی جانیں قربان ہو رہی ہیں، گہرے غم اورتشویش نے ہمارے دلوں کوجکڑلیا ہے۔ بدقسمتی سے جب بھی ہندوستان اورپاکستان کے درمیان کشیدگی ہوتی ہے، اس کا نقصان خاص طورپرجموں وکشمیرکے لوگوں کو بھگتنی پڑتی ہے۔”
As the threat of war intensifies and the loss of precious lives continues, deep sorrow and anxiety grips our hearts. Unfortunately, whenever tensions rise between India and Pakistan, the brunt which follows is primarily borne by the people of Jammu and Kashmir. Across the LOC,… pic.twitter.com/bZqU8WSocp
— Mirwaiz Umar Farooq (@MirwaizKashmir) May 9, 2025
دونوں ممالک سے فوراً کشیدگی کم کرنے کی اپیل
اس کے ساتھ ہی انہوں نے مزید لکھا کہ ایل اوسی پر لوگ زبردست پریشانیوں سے گزر رہے ہیں، کیونکہ ان کی زندگی، گھراورذریعہ معاش کے نقصان کو محض کولیٹرل ڈیمیج کے طورپردیکھا جا تا ہے۔ ان کا کہنا تھا کہ “میں دونوں ممالک سے اپیل کرتا ہوں کہ وہ فوری طورپر کشیدگی کم کریں اوراس خطرناک راستے پرنہ جائیں، جو صرف تباہی کا باعث بن سکتا ہے۔” واضح رہے کہ میرواعظ عمرفاروق نے کہا کہ انہوں نے آج (9 مئی، بروزجمعہ) کوانتظامیہ نے جامع مسجد جانے کی اجازت نہیں دی تھی۔ تاہم وہ امن کی دعا میں سب کے ساتھ شامل ہیں۔ انہوں نے جوویڈیوشیئرکیا، وہ گزشتہ جمعہ کا ہے۔
محبوبہ مفتی نے دونوں ممالک سے کی یہ بڑی اپیل
پی ڈی پی سربراہ اورجموں وکشمیرکی سابق وزیراعلیٰ محبوبہ مفتی نے ہندوستان اورپاکستان کے وزرائے اعظم سے پُرامن حل تلاش کرنے کی اپیل کی ہے۔ انہوں نے فوجی مداخلت نہیں بلکہ سیاسی حل تلاش کرنے کی ضرورت پرزوردیا۔ محبوبہ مفتی نے کہا، ’’ہندوستان اور پاکستان کے درمیان کشیدگی میں مسلسل اضافہ ہورہا ہے۔ بدقسمتی سے یہ سرحد کے دونوں طرف بے قصورلوگوں کی جان لے رہا ہے۔ اس مشکل وقت میں میرا مکمل یقین ہے کہ احتیاط بہت ضروری ہے۔ دونوں ممالک کے لیڈران اورفوجی کمانڈروں کو صورتحال کوکنٹرول میں کرنے کے لئے ایک ساتھ آنا چاہئے اوراس جدوجہد کے نتائج بھگت رہے بے قصورشہریوں کی سیکورٹی اوربھلائی کودینی چاہئے۔ پُرامن حل تلاش کرنا اورجان ومال کے نقصان کوروکنا ضروری ہے۔‘‘
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
