پاکستان نے تہور رانا سے کنارہ کشی اختیار کرلی ہے۔
ممبئی کے 26/11 دہشت گردانہ حملے کا ماسٹر مائنڈ تہور رانا ہندوستان لایا گیا ہے۔ کافی مشقت کے بعد اسے امریکہ سے ہندوستان لانے کے لئے قومی تفتیشی ایجنسی (این آئی اے) کی ٹیم گئی تھی، جسے لے کرہندوستان پہنچ گئی ہے۔ تہور رانا کو خصوصی طیارہ کے ذریعہ دہلی لایا جائے گا۔ آج شام تقریباً 6 بجے پالم ایئرپورٹ پر لینڈنگ ہوئی۔ سخت سیکورٹی کے درمیان اسے این آئی اے ہیڈ کوارٹر لایا جائے گا۔ اس درمیان تہور رانا سے متعلق پاکستان کا بیان بھی سامنے آیا ہے۔ پاکستان نے تہور رانا سے پوری طرح کنارہ کشی اختیار کرلی ہے۔ پاکستان کے وزارت خارجہ کی طرف سے جاری بیان میں کہا گیا ہے کہ تہور رانا نے گزشتہ 2 دہائی سے اپنے پاکستانی دستاویزوں کو رینیو (تجدید کاری) نہیں کروایا ہے۔
ہمارا اس آدمی سے کوئی لینا دینا نہیں ہے، وہ اب کناڈائی شہری ہے۔ واضح رہے کہ تہور رانا پاکستانی نژاد کناڈائی شہری ہے، یہ بات سب کو معلوم ہے۔ ذرائع کے مطابق، تہور رانا کا تعلق پاکستانی فوج اور خفیہ ایجنسی آئی ایس آئی سے رہا ہے۔ ماہرین کے مطابق، پاکستان کو خوف ہے کہ کہیں پوچھ گچھ میں تہور رانا ممبئی کے دہشت گردانہ حملوں میں پاکستان کے ملوث ہونے کا انکشاف نہ کردے۔
پاکستان میں دوہری شہریت کی اجازت
پاکستان اپنے شہریوں کو دوہری شہریت کی اجازت دیتا ہے۔ ایک پاکستانی شہری کناڈا کی شہریت بھی لے سکتا ہے۔ پاکستان یہ بھی سہولت دیتا ہے کہ نیشنل آئیڈنٹٹی کارڈ فار اوور سیز پاکستانیز (این آئی سی او پی) کے ذریعہ اس کے شہری بغیر ویز ملک کا سفر کرسکتے ہیں۔ ماہرین کا ماننا ہے کہ ان حقائق کے سبب پاکستان تہور رانا کے ساتھ اپنے تعلقات آسانی سے نہیں خارج کرسکے گا۔
Pakistan’s Ministry of Foreign Affairs (MoFA) on Thursday responded to the Mumbai attack accused Tahawwur Rana’s extradition to India.
MoFA said, “Have conveyed our position regarding his Canadian nationality, As far as our documents are concerned, he did not apply to renew… pic.twitter.com/q30qY4Uzhn
— Mirror Now (@MirrorNow) April 10, 2025
آپ کو بتا دیں کہ سال 2008 میں ہوئے ممبئی حملوں کی سازش کا اہم ملزم ہے۔ ان حملوں میں 166 لوگوں کی موت ہوئی تھی۔ تہور رانا کو دہلی کی تہاڑ جیل کی ہائی سیکورٹی سیل میں رکھا جائے گا۔ اس کی سبھی تیاریاں پوری کرلی گئی ہیں۔ دہشت گردانہ حملے کے پیچھے پاکستان کی دہشت گرد تنظیم لشکر طیبہ کا ہاتھ بھی تھا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
