لبنان میں غیر معمولی طور پر براہ راست امریکی مداخلت کے نتیجے میں ملک کو تعمیر نو کے فنڈز تک رسائی کے قریب لانے کے مقصد سے نئی حکومت تشکیل دے دی گئی ہے۔ رپورٹ کے مطابق صدارتی محل میں صحافیوں سے گفتگو کرتے ہوئے نئے وزیر اعظم نواف سلام نے کہا کہ 24 رکنی کابینہ مالیاتی اصلاحات، تعمیر نو اور اقوام متحدہ کی قرارداد پر عمل درآمد کو ترجیح دے گی، جسے اسرائیل کے ساتھ سرحد پر استحکام کے لیے سنگ بنیاد کے طور پر دیکھا جاتا ہے۔لبنان کی ایوان صدارت کی جانب سے جاری بیان میں بتایا گیا ہے کہ “صدر (جوزیف عون) نے نجیب میقاتی کی حکومت کا استعفی قبول کرنے اور نامزد وزیر اعظم نواف سلام کی سربراہی میں نئی حکومت کی تشکیل سے متعلق آرڈیننسوں پر دستخط کیے۔ بعد ازاں صدر اور نئے وزیر اعظم نے 24 وزراء پر مشتمل حکومتی تشکیل کے آرڈیننس پر دستخط کیے”۔
بالأسماء.. تشكيلة الحكومة اللبنانية الجديدة برئاسة القاضي نواف سلام، على أن تعقد أولى جلساتها يوم الثلاثاء المقبل. #لبنان #الميادين_لبنان pic.twitter.com/rmKlPWa24N
— الميادين لبنان (@mayadeenlebanon) February 8, 2025
نئے وزیر اعظم نواف سلام کا کہنا ہے کہ نئی حکومت اقتصادی اصلاحات کا نفاذ کرے گی جن سے ملک کو گذشتہ برس اسرائیل اور حزب اللہ کے درمیان تباہ کن جنگ کے بعد تعمیر نو کے لیے مالی رقوم اور سرمایہ کاری کے حصول میں مدد ملے گی۔اس موقع اپنے خطاب میں سلام نے کہا کہ لبنان اقوام متحدہ کی قرار داد 1701 پر عمل درآمد کرے گا جس نے 2006 میں حزب اللہ اور اسرائیل کے درمیان سابقہ جنگ ختم کی تھی۔ ساتھ ہی فائر بندی کے معاہدے کی بھی پاسداری کی جائے گی۔
ولادة الحكومة اللبنانية الأولى في عهد الرئيس جوزاف عون برئاسة نواف سلام
تقرير: عباس الصباغ @abbas_sabbagh pic.twitter.com/Fp1dQS1WQG
— قناة الميادين (@AlMayadeenNews) February 8, 2025
صدر جوزف خلیل عون اور وزیراعظم نواف سلام کی حکومت نے حزب اللہ اور اس کے اتحادیوں کی جانب سے گذشتہ تین ادوار کے دوران قائم کیے گئے اصول توڑ دیے ہیں۔ماضی میں حکومت پارٹی کے براہ راست نمائندوں پر مشتمل ہوتی تھی، اس طرح حزب اللہ اثرورسوخ استعمال کر کے ہر اہم سیاسی یا سکیورٹی امور سے متعلق فیصلوں پر اثرانداز ہونے کی صلاحیت رکھتی تھی۔واضح رہے کہ جمعے کو امریکہ نے لبنان کی نئی حکومت میں حزب اللہ کی شمولیت کی مخالفت کرتے ہوئے اسے ’ریڈ لائن‘ قرار دیا تھا۔امریکہ کی مشرق وسطیٰ میں نائب ایلچی مورگن اورٹاگس نے کہا تھا کہ امریکہ نے ’سرخ لکیر‘ کھینچی ہے کہ گذشتہ برس اسرائیل سے شکست کھانے والے مسلح گروہ حزب اللہ کو لبنان کی نئی حکومت میں شامل نہیں ہونا چاہیے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
