-->
اسرائیل کی جانب سے غزہ پر پھر بمباری شروع ہوگئی ہے۔ تقریباً 250 فلسطینیوں کو ہلاک کر دیا گیا ہے۔
Israel Airstrike in Gaza Strip: اسرائیل نے غزہ پٹی پرایک بار پھر بڑا ہوائی حملہ کیا ہے۔ منگل (18 مارچ) کو صبح ہوئے اسرائیلی ایئر اسٹرائیک سے پوری غزہ پٹی دہل گئی۔ اسرائیل کا یہ حملہ گزشتہ 15 ماہ کے سب سے خطرناک حملوں میں سے ایک ہے۔ اس حملے کے ساتھ غزہ میں 57 دنوں کی جنگ بندی کے بعد پھر سے خونی کھیل شروع ہوگیا ہے۔
الجزیرہ کی رپورٹ کے مطابق، غزہ کی وزارت صحت نے کہا کہ اسرائیل کے اس تازہ حملوں میں حماس کے وزیر، بریگیڈیئرسمتی 250 فلسطینی لوگوں کی موت ہوچکی ہے۔ اسرائیل کے اس شدید حملے کے ساتھ اسرائیل اورغزہ کے درمیان جنگ بندی معاہدہ ٹوٹ چکا ہے۔ رپورٹ کے مطابق، اسرائیل کے ہوائی حملوں میں غزہ میں داخلی اور قومی سلامتی میں تنظیم اورانتظامی اتھارٹی کے سربراہ بریگیڈیئربہجت حسن ابوسلطان اورحماس کے ایک اعلیٰ عہدیداراورنائب وزیرداخلہ جنرل محمود ابو وطفہ اسرائیلی فضائی حملوں میں مارے گئے ہیں۔
Israeli Army Radio Quoted A Senior Israeli Official As Saying:
THE CEASEFIRE IN GAZA HAS ENDED
Injuries have arrived at Nasser Hospital, including children, due to an attack in Khan Younis, south of the Gaza Strip.Israel has resumed attacks on civilians https://t.co/gc3tH8HPZD
— Burhan Naji (@burhan_nage99) March 18, 2025
جنگ بندی کے دوسرے مرحلے سے متعلق نہیں بنی بات
اسرائیل نے جنگ بندی معاہدے کے 42 دنوں کے پہلے مرحلے کے بعد دوسرے مرحلے کی شرائط کو تسلیم کرنے سے انکار کردیا۔ اس کے بعد جنگ بندی سے متعلق پھرسے بات چیت شروع کی گئی تھی۔ ایسوسی ایٹیڈ پریس کی رپورٹ کے مطابق، اسرائیل کے وزیراعظم بنجامن نیتن یاہو کے دفتر نے اپنے بیان میں کہا، ”اسرائیل نے س ہوائی حملے کا فیصلہ حماس کی طرف سے اسرائیلی یرغمالیوں کو رہا کرنے سے باربارانکار کرنے اورامن مذاکرات کے ناکام ہونے کے بعد لیا ہے۔“
اسرائیل نے اپنے بیان میں مزید کہا، اسرائیل اپنی فوجی طاقت میں مزید اضافہ کرے گا اورحماس کے خلاف اپنے حملے کوتیزکرے گا۔” ایسوسی ایٹڈ پریس کی رپورٹ کے مطابق، غزہ پٹی میں اس اسرائیلی آپریشن کا منصوبہ آئی ڈی ایف کی جانب سے گزشتہ ہفتے کے آخرمیں پیش کیا گیا تھا، جسے اسرائیل کی سیاسی قیادت سے بھی منظوری مل گئی تھی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
