Film Ayesha Poster Out: فلمسازامت جانی نے کچھ دنوں پہلے اعلان کیا تھا کہ ’ادے پورفائلز‘ کے بعد وہ ایک اورسنگین موضوع پرفلم بنائیں گے۔ آج انہوں نے سوشل میڈیا پراس کا ایک پوسٹراورنام بھی جاری کردیا ہے۔ امت جانی نے کچھ وقت پہلے آئی اے این ایس نیوزایجنسی کوبتایا تھا کہ ان کی آئندہ فلم ’جہاد، دہشت گردی، مذہبی شدت پسندی اورمذہب تبدیلی‘ جیسے مبینہ موضوعات کی بنیاد پرمبنی ہوگی۔ آج انہوں نے سوشل میڈیا پلیٹ فارم ایکس پراس کا ایک پوسٹرجاری کرتے ہوئے فلم کا نام سب کے ساتھ شیئرکیا۔
مبینہ دہشت گردی جیسے موضوعات پرہوگی کہانی
اس پوسٹرکوشیئرکرتے ہوئے امت جانی نے لکھا، ’’ادے پورفائلزکے بعد امت جانی کی فائرفاکس فلمس نے ایک نئے پروجیکٹ پرکام کرنا شروع کردیا ہے۔ پروڈکشن ہاوس جلد ہی ’عائشہ‘ نام کی ایک ہندی فیچرفلم کی شوٹنگ شروع کرنے جا رہا ہے۔ جومبینہ اسلامی دہشت گردی، مذہب تبدیلی، جنسی استحصال، مذہب شدت پسندی اورلوجہاد پرمبنی ہے۔ اس فلم میں وہ ’عائشہ‘ پرہوئے ظلم اوراس کی بہادری کے ساتھ ساتھ اترپردیش کے بلرام پورکے چھانگربابا عرف جلال الدین کی عالیشان عمارت کی تعمیراوراس کا انہدام بھی دکھایا جائے گا۔‘‘
View this post on Instagram
جانئے کب ریلیزہوگی یہ فلم
امت جانی کے مطابق، اس فلم کی شوٹنگ اکتوبر2025 میں ہوگی۔ شوٹنگ کی لوکیشن (مقامات) میں بلرام پور، لکھنو، لیہہ، لداخ اورجیسلمیرجیسے مقامات شامل ہیں۔ فلم کی ہدایت کاری بھرت ایس شرینیت کریں گے۔ بھرت ایس شرینیت نے ہی ’ادے پورفائلز‘ کی ہدایت کاری کی تھی۔ اسٹارکاسٹ ابھی فائنل نہیں ہوا ہے۔ بہت جلد اس کے لئے 100 شہروں میں آڈیشن کئے جائیں گے۔ اس میں نئے فنکاروں کوموقع دیا جائے گا۔
امت جانی نے اپنی فلموں سے متعلق ہونے والے تنازعہ اورتنقید پرآئی ے این ایس سے کہا تھا، ’’مجھے اپنی تنقید سے ترغیب ملتی ہے۔ پھربھی میں اپنے مخالفین کا احترام کرتا ہوں۔ مولانا مدنی صاحب نے مجھے سکھایا ہے کہ کن موضوعات پرعدالت جاکرفلم کے خلاف آوازاٹھائی جاسکتی ہے اورحکومت کے پاس فلم کوروکنے کے کیا حقوق ہیں۔ میں یہ واضح کرنا چاہتا ہوں کہ سینسربورڈ ہماری اگلی فلم پرروک نہیں لگا پائے گا اور یہ حکمت عملی میں نے مدنی صاحب سے سیکھی ہے۔‘‘
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
