اسمبلی میں بی جے پی اراکین اسمبلی نے جم کر ہنگامہ آرائی کی۔ (فائل فوٹو)
Bihar Assembly Monsoon Session 2023: بہار اسمبلی کے مانسون سیشن کے چوتھے روز بھی ہنگامہ جاری رہا۔ نائب وزیراعلیٰ تیجسوی یادو کے استعفیٰ کے مطالبہ کو لے کربی جے پی اراکین اسمبلی نے جم کرہنگامہ کیا۔ بی جے پی اراکین اسمبلی اسپیکر کے ویل کے سامنے آکرہنگامہ کرنے لگے، جس کے بعد دو اراکین اسمبلی کو ایوان سے باہر کردیا گیا۔ اسی درمیان اسمبلی گھیراؤ کرنے جا رہے بی جے پی اراکین اسمبلی پر لاٹھی چارج بھی کیا گیا۔
#WATCH | Patna | Two Bihar BJP MLAs marshalled out of Bihar Assembly after they reportedly raised the issue of the posting of teachers in the state. pic.twitter.com/B7WjkfokGw
— ANI (@ANI) July 13, 2023
جمعرات کے روز جیسے ہی بہاراسمبلی کا سیشن شروع ہوا، بی جے پی اراکین اسمبلی ویل میں آکرہنگامہ کرنے لگے۔ جس کے بعد مارشلوں نے دو بی جے پی اراکین اسمبلی کو ایوان سے باہرکر دیا۔ اس کے بعد بھی بی جے پی لیڈران کی طرف سے ہنگامہ آرائی جاری رہی۔ بی جے پی لیڈراسپیکر کے ویل کے قریب آکر احتجاج کرنے لگے۔ وہیں بی جے پی رکن اسمبلی امریندر پرتاپ کرسی پر کھڑے ہوگئے، جس کی اسپیکر نے مخالفت کی۔ مارشلوں نے بی جے پی رکن اسمبلی جیویش کمار کو ہنگامہ کرنے کے سبب ایوان سے باہر کردیا۔
#WATCH | Patna: BJP workers hold Vidhan Sabha March against Bihar govt on issue of the posting of teachers in the state.
(Visuals from Gandhi Maidan) pic.twitter.com/4DatNuwNGH
— ANI (@ANI) July 13, 2023
واضح رہے کہ زمین کے بدلے نوکری معاملے میں بی جے پی بہار کی نتیش کمار-تیجسوی یادو حکومت کو گھیرنے میں لگی ہوئی ہے۔ اسی دوران بی جے پی تیجسوی یادو سے استعفیٰ کا مطالبہ کر رہی ہے۔ اس کی وجہ سے اسمبلی سیشن میں مسلسل ہنگامہ ہورہا ہے۔
