کرناٹک اسمبلی سے بی جے پی کے 9 اراکین اسمبلی معطل، ڈپٹی اسپیکر سے بدسلوکی کرنے کا الزام

کرناٹک اسمبلی میں بدھ کے روز کافی ہنگامہ ہوا۔ اس کے بعد بی جے پی کے 9 اراکین اسمبلی کو ڈپٹی اسپیکر رودرپا لمانی کے اوپر کاغذ پھینکنے کے الزام میں باقی اسمبلی سیشن سے معطل کردیا گیا۔ دراصل، اسپیکر نے لنچ کے لئے رکے بغیر ایوان کی کارروائی جاری رکھنے کے احکامات دیئے تھے۔

#WATCH | Bengaluru: Karnataka Home Minister Dr G Parameshwara on Karnataka Assembly Ruckus, says, “…It is unfortunate. We have laid out some guidelines, some rules in the house. House rules are there. Nobody prevents them to go and protest…But there is some basic discipline… https://t.co/RfySICJfVe pic.twitter.com/txb2fMqGZq

— ANI (@ANI) July 19, 2023

نیوز ایجنسی کے مطابق، ایوان کی کارروائی کے دوران اپوزیشن بی جے پی اور جے ڈی ایس اراکین اسمبلی ویل میں آکر احتجاج کر رہے تھے۔ اس دوران انہوں نے کانگریس حکومت پر اپنے اتحاد والے لیڈران کی خدمت میں 30 آئی اے ایس افسران کو تعینات کرنے کا الزام لگایا تھا۔ ہنگامے کے دوران اسمبلی اسپیکر یہ کہتے ہوئے چلے گئے کہ ایوان کی کارروائی لنچ کے لئے نہیں رکے گی اور بجٹ اور دیگر موضوعات پر تبادلہ خیال جاری ہے گا۔