گنتی سے پہلے اکھلیش یادو کے امیدوار پر لٹکی تلوار! جیت کر بھی پارلیمنٹ میں نہیں جا سکیں گے؟
Lok Sabha Election 2024 in Ghazipur: اترپردیش کی غازی پورلوک سبھا سیٹ سے موجودہ رکن پارلیمنٹ اورسماجوادی پارٹی کے امیدوارافضال انصاری پوری طاقت کے ساتھ انتخابی تشہیرمیں مصروف ہوگئے ہیں۔ اتوارکوایک عوامی جلسے کو خطاب کرتے ہوئے افضال انصاری نے بی جے پی پرجم کرتنقید کی۔ انہوں نے کہا کہ الیکشن کمیشن نے تو انہیں نا اہل ٹھہرا دیا تھا، لیکن سپریم کورٹ نے کہا کہ آپ پرچہ نامزدگی کرسکتے ہو۔
افضال انصاری نے کہا “ہماری پارلیمنٹ کی رکنیت بحال کردی گئی۔ الیکشن کمیشن نے تو ہمیں نا اہل مان لیا تھا کہ اب پرچہ نہیں بھرپاؤ گے… لیکن اب اہل مان لیا ہے کہ آپ پرچہ نامزدگی کر سکتے ہیں کیونکہ سپریم کورٹ کا حکم آگیا ہے۔”
افضال انصاری نے تنقید کی
سماجوادی پارٹی کے امیدوارافضال انصاری نے کہا کہ سپریم کورٹ کے ذریعہ مجھے نا اہل ٹھہرائے جانے کے بعد بی جے پی کے لوگ پریشان ہیں۔ ابھی وہ 80 میں سے 80 جیتیں گے یا نہیں۔ غازی پورمیں کون لڑے گا، ابھی تک اس کا فیصلہ نہیں ہوپایا ہے۔ انہوں نے کہا کہ یہ غازی پور کی سرزمین بہادروں کی سرزمین ہے۔ یہاں غنڈوں اور ظالموں سے کوئی ڈرنے والا نہیں ہے اورنہ ڈریں گے کیونکہ بزدل روزپیدا ہوتا ہے اورروزمرجاتا ہے۔ بہادرایک بارپیدا ہوتا ہے اورایک ہی بارمرتا ہے۔
View this post on Instagram
افضال انصاری کے خلاف بی جے پی کو مضبوط امیدوارکی تلاش
افضال انصاری کو سماجوادی پارٹی نے غازی پورسے امیدواربنایا ہے۔ وہ 2019 کے لوک سبھا الیکشن میں بی ایس پی کے ٹکٹ پررکن پارلیمنٹ منتخب ہوئے تھے۔ حالانکہ اس وقت بھی بی ایس پی اورسماجوادی پارٹی میں الائنس تھا۔ ایسے میں سماجوادی پارٹی نے بی جے پی کے سامنے مضبوط دعویداری پیش کی ہے۔ مودی لہرمیں بھی بی جے پی کو غازی پورسیٹ پرہرانے والے افضال انصاری کے خلاف وہ مضبوط امیدوارسے متعلق غوروخوض کررہی ہے۔ گزشتہ الیکشن میں افضال انصاری نے بی جے پی کے سینئرلیڈرمنوج سنہا کو ہرایا تھا۔ اس کے بعد منوج سنہا کوجموں وکشمیرکا لیفٹیننٹ گورنربنا دیا گیا تھا۔ افضال انصاری اب تک 10 الیکشن لڑچکے ہیں، جن میں سات باران کو جیت ملی ہے۔ وہ پانچ باررکن اسمبلی اوردو بار رکن پارلیمنٹ رہ چکے ہیں۔ غازی پورمیں سب سے آخری اورساتویں مرحلے میں یکم جون کو ووٹنگ ہونی ہے۔ بی جے پی نے اب تک اس سیٹ پر اپنے امیدوارکا اعلان نہیں کیا ہے۔ 20
بھارت ایکسپریس۔
