وزیر اعظم نریندر مودی کا بی جے پی کے اراکین پارلیمنٹ نے والہانہ استقبال کیا۔
PM Modi In Parliamentary Board Meeting: وزیراعظم نریندرمودی نے ہندی ہارٹ لینڈ کی تین ریاستوں میں ملی جیت کو کارکنان کو وقف کیا ہے۔ وزیراعظم مودی نے کہا ہے کہ پارٹی کو جوتین ریاستوں میں جیت ملی ہے، وہ کارکنان کو وقف ہے۔ وزیراعظم مودی نے جمعرات (7 دسمبر) کو بی جے پی کی پارلیمانی میٹنگ میں یہ باتیں کہیں۔ تین ریاستوں میں ملی جیت کے بعد ہو رہی اس میٹنگ میں وزیراعظم مودی کا والہانہ استقبال کیا گیا۔ بی جے پی صدر جے پی نڈا سمیت پارٹی کے تمام بڑے لیڈران اس میٹنگ میں موجود رہے۔
وزیراعظم مودی نے تمام اراکین پارلیمنٹ کو مشورہ دیا ہے کہ وہ ابھی سے عوام کے درمیان جائیں اور 2024 کے لوک سبھا الیکشن کی تیاریوں میں مصروف ہوجائیں۔ انہوں نے بی جے پی لیڈران اور کارکنان کو خطاب کرتے ہوئے کہا کہ یہ جیت کارکنان کووقف ہے۔ ریاست کے تمام کارکنان نے محنت کی ہے۔ سرکاری اسکیموں کوعوام تک پہنچایا گیا ہے۔ پارلیمانی میٹنگ میں پی ایم مودی نے ترقی یافتہ ہندوستان مہم پربھی تبادلہ خیال کیا۔ انہوں نے کہا کہ خواتین کوڈرون فراہم کرنے کا جو فیصلہ کیا گیا ہے، اس سے فائدہ اٹھایا جائے۔ پی ایم مودی نے یہ بھی کہا کہ حکومت میں رہتے ہوئے جیت کا فیصد بہت بہتررہا ہے۔
During the BJP Parliamentary party meeting today, PM Modi said it was the result of the hard work of all the party workers that the BJP achieved a massive victory in three states. The PM appreciated everyone’s work. He also said that all BJP MPs and ministers have to participate… pic.twitter.com/AkmCyVLuFx
— ANI (@ANI) December 7, 2023
مجھے نہ کہیں مودی جی: وزیراعظم
دراصل، وزیراعظم مودی جیسے ہی پارلیمنٹری بورڈ کی میٹنگ میں حصہ لینے کے لئے پہنچے۔ وہی بی جے پی اراکین پارلیمنٹ نے ‘مودی جی کا استقبال ہے’ کا نعرہ لگانا شروع کردیا ہے۔ تالیوں کی گڑگڑاہٹ سے پورا حال گونج اٹھا۔ اس کے بعد جب وزیراعظم مودی کو لیڈران کو خطاب کرنے کا موقع ملا تو انہوں نے اپنے استقبال سے متعلق بھی بات کی۔ انہوں نے کہا کہ ہمیں جو جیت ملی ہے، یہ کسی ایک شخص کی جیت نہیں ہے، بلکہ تنظیم کی جیت ہے۔ مجھے مودی جی بلاکرعوام سے دور نہیں کیا جائے۔ میں صرف مودی ہوں۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
