Wrestlers Protest: دھرنا دے رہے قومی پہلوانوں نے آج مرکزی وزیر کھیل انوراگ ٹھاکر سے ملاقات کی اور ریسلنگ فیڈریشن آف انڈیاکے سبکدوش ہونے والے صدر برج بھوشن شرن سنگھ کی گرفتاری کا مطالبہ کیا۔ مرکزی وزیر اور پہلوانوں کے درمیان ملاقات تقریباً 5 گھنٹے تک جاری رہی۔ یہ ملاقات دہلی میں انوراگ ٹھاکر کی رہائش گاہ پر ہوئی۔ واضح رہے کہ پہلوانوں کے دھرنا کو ختم کرنے کے لیے حکومت نے کھلاڑیوں کو حل پر مبنی بات چیت کے لیے بلایا تھا۔ پہلوان بی جے پی کے رکن پارلیمنٹ اور ڈبلیو ایف آئی کے سبکدوش ہونے والے صدر برج بھوشن شرن سنگھ کی گرفتاری کا مطالبہ کر رہے ہیں۔ اس ملاقات کے بعد انوراگ ٹھاکر نے کہا کہ میں نے کھلاڑیوں کو مذاکرات کی دعوت دی تھی، مثبت بات چیت ہوئی ہے۔ انوراگ ٹھاکر نے کہا یہ میٹنگ پہلوانوں کے دھرنے کو ختم کرنے کے لیے بلائی ہے کیونکہ پہلوان اس بات پر بضد ہیں کہ برج بھوشن کی گرفتاری تک وہ اپنا احتجاج جاری رکھیں گے۔ کھلاڑیوں کے مطابق انہیں یقین دہانی کرائی گئی ہے کہ پولیس کی تفتیش 15 جون تک مکمل کر لی جائے گی۔ تب تک حکومت کو وقت دیا جا رہا ہے۔ تب تک کسی قسم کا کوئی مظاہرہ نہیں ہوگا۔
#WATCH | Government has assured us that police investigation will be completed before 15th June. We have requested that all FIRs against wrestlers should be taken back and he has agreed to it. If no action is taken by 15th June, we will continue our protest: Wrestler Bajrang… pic.twitter.com/1hi9Qp0RFY
— ANI (@ANI) June 7, 2023
اس ملاقات کے بعد بجرنگ پونیا اور ساکشی ملک نے کہا کہ ہماری حکومت کے ساتھ کچھ مسائل پر بات ہوئی ہے۔ انہوں نے اتفاق کیا ہے کہ کھلاڑیوں کے خلاف تمام مقدمات ختم کر دیے جائیں گے۔ ہمارے کچھ مطالبات حکومت نے تسلیم کر لیے ہیں تاہم مزید مطالبات ہیں جن پر حکومت سے ہمارے اختلافات ہیں۔ ہمیں امید ہے کہ جلد ہی وہ چیزیں بھی قبول کرلی جائیں گی۔ انہوں نے کہا کہ ہم نے کچھ مسائل پر بات کی ہے۔ پولیس کی تفتیش 15 جون تک مکمل کی جائے گی اور وزیر موصوف نے اس وقت تک احتجاج نہ کرنے کی درخواست کی ہے۔ انہوں نے یہ بھی کہا کہ خواتین ریسلرز کی حفاظت کا بھی خیال رکھا جائے گا۔ کھلاڑیوں کے مطابق تحریک ختم نہیں ہوئی۔ پہلوان کھاپ چودھریوں کے سامنے حکومت کے ساتھ ہونے والے مذاکرات کی معلومات دیں گے۔
#WATCH | I had a long 6-hour discussion with the wrestlers. We have assured wrestlers that the probe will be completed by 15th June and chargesheets will be submitted. The election of WFI will be done by 30th June: Union Sports Minister Anurag Thakur after meeting wrestlers pic.twitter.com/9hySRefxNM
— ANI (@ANI) June 7, 2023
میٹنگ میں ٹوکیو اولمپکس کے تمغہ جیتنے والے بجرنگ پونیا، ریو اولمپکس کی کانسہ کا تمغہ جیتنے والی ساکشی ملک اور ان کے پہلوان شوہر ستیہ ورت کادیان نے شرکت کی۔ کسان لیڈر راکیش ٹکیت، جو پہلوانوں کی حمایت کر رہے ہیں، نے میٹنگ میں حصہ نہیں لیا۔خواتین پہلوانوں نے برج بھوشن شرن سنگھ پر جنسی ہراسانی کا الزام لگایا ہے۔ دہلی پولیس نے ان کے خلاف ایف آئی آر بھی درج کی ہے۔ دریں اثنا، حکومت منصفانہ تحقیقات کا مطالبہ کر رہی ہے۔ ملک کے یہ مشہور پہلوان گزشتہ 23 اپریل سے جنتر منتر پر دھرنے پر بیٹھے تھے۔ تاہم، 28 مئی کو، پہلوانوں کو دہلی پولیس نے اس وقت حراست میں لے لیا جب انہوں نے پارلیمنٹ کی نئی عمارت کے افتتاح کے موقع پر مہیلا مہاپنچایت کے انعقاد کے لیے مارچ کرنے کی کوشش کی، اور پھر انہیں احتجاجی مقام سے ہٹا دیا گیا۔ اس کے بعد پہلوان گنگا میں اپنے تمغے پھینکنے کے لیے ہریدوار گئے۔ وہاں کھاپ لیڈروں نے کھلاڑیوں کو تمغے کوبہانے سے روکا اور وقت مانگا۔ اس کے بعد یوپی اور ہریانہ میں کھلاڑیوں کی حمایت میں مہاپنچایت ہوئی۔حکومت اور پہلوانوں کے درمیان پانچ دنوں میں ملاقات کا یہ دوسرا دور ہے۔ اس سے قبل پہلوانوں نے ہفتہ کی رات وزیر داخلہ امت شاہ سے بھی ملاقات کی تھی اور انہیں اپنے مطالبات سے آگاہ کیا تھا۔ اب وزیرکھیل انوراگ ٹھاکر سے ملاقات ہوئی ہے جس میں 15 جون تک کا وقت مانگا گیا ہے۔
بھارت ایکسپریس۔
