نئی دہلی: اسدالدین اویسی کی قیادت والی آل انڈیا مجلس اتحاد المسلمین (اے آئی ایم آئی ایم) نے جامعہ ملیہ اسلامیہ کے طلبہ یونین انتخابات میں اپنا امیدواراتارنے کا اعلان کیا ہے۔ پارٹی کی دہلی یونٹ کے صدرشعیب جامعی نے سوشل میڈیا پلیٹ فارم ایکس پرپوسٹ کرکے یہ اطلاع دی۔ انہوں نے کہا کہ تقریباً دودہائیوں بعد جامعہ میں طلبہ یونین کے انتخابات ہونے جا رہے ہیں اوران کی پارٹی بھی انتخابی میدان میں اترے گی۔ شعیب جامعی نے اپنی پوسٹ میں کہا کہ تین سال پہلے دہلی میں اے آئی ایم آئی ایم کی طلبہ تنظیم شروع کی گئی تھی اوراب اس کا مقصد پورا ہونے جا رہا ہے۔ انہوں نے اس تحریک سے وابستہ طلبہ کومبارک باد دیتے ہوئے کہا کہ طلبہ یونین کی بحالی کی یہ کامیابی جامعہ سے جڑے ان تمام لوگوں کی ہے جوگزشتہ 20 سال سے اس مطالبے کے لئے کوشش کررہے تھے۔
بھوک ہڑتال پربیٹھے جسیم خان کا بھی کیا ذکر
شعیب جامعی نے اپنی پوسٹ میں کہا کہ طلبہ یونین کی بحالی کی تحریک کا اہم چہرہ اوربھوک ہڑتال پربیٹھے جسیم خان اے آئی ایم آئی ایم کی طلبہ تنظیم مجلس اسٹوڈنٹس ونگ کے گزشتہ سیشن کے صدررہ چکے ہیں۔ انہوں نے ایک اورپوسٹ میں کہا کہ جامعہ میں طلبہ یونین کی بحالی کی امید پیدا ہوئی ہے۔ شعیب جامعی نے احتجاج کرنے والے طلبہ، خصوصاً مجلس اسٹوڈنٹس ونگ کے صدرجسیم خان اورجامعہ سے محبت کرنے والے تمام لوگوں کومبارک باد دی۔ انہوں نے واضح کیا کہ اے آئی ایم آئی ایم جامعہ ملیہ اسلامیہ کے طلبہ یونین انتخابات میں اپنا امیدواراتارے گی۔
दो दशक बाद जामिया में होगा छात्र संघ चुनाव ✌️.AIMIM अपना उम्मीदवार मैदान में उतरेगी. हमारी भूमिका यह रही की आंदोलन का मुख्य चेहरा और भूख हड़ताल पर बैठे जसीम खान AIMIM पार्टी की स्टूडेंट विंग (Majlis Students Wing)के पिछले सेशन के अध्यक्ष हैं. हालांकि यह जीत जामिया से जुड़े हुए सभी लोगों की है जो पिछले 20 सालों से स्टूडेंट यूनियन की मांग को लेकर कोशिश कर रहे थे. 3 साल पहले हमने दिल्ली में AIMIM पार्टी की छात्र इकाई की शुरुआत की थी.जो हमारा मकसद था वह पूरा होने जा रहा है इंशाल्लाह.
Shukrya Sir @asadowaisi @imtiaz_jaleel for your continued support.— Dr. Shoaib Jamai (@shoaibJamei) October 26, 2026
سال 2006 کے بعد نہیں ہوئے تھے طلبہ یونین کے انتخابات
جامعہ ملیہ اسلامیہ میں طلبہ یونین کے انتخابات 2006 کے بعد سے نہیں ہوئے ہیں۔ طلبہ یونین کی بحالی کے مطالبے پرگزشتہ تقریباً دوہفتوں سے احتجاج جاری تھا۔ مظاہرین جامعہ ملیہ اسلامیہ اسٹوڈنٹس یونین (جے ایم آئی ایس یو) کو بحال کرنے اورانتخابات کرانے کا مطالبہ کررہے تھے۔ اس مطالبے سے متعلق4 طلبہ غیرمعینہ مدت کی بھوک ہڑتال پربھی بیٹھے تھے۔ طلبہ کا کہنا تھا کہ یونیورسٹی میں طلبہ یونین کی بحالی کے لیے واضح فیصلہ اورانتخابات کرانے کا وقت مقررکیا جانا چاہئے۔
یونیورسٹی نے انتخابات کرانے کے لیے جاری کیا حکم
احتجاج کے درمیان جامعہ ملیہ اسلامیہ انتظامیہ نے پیر(26 اکتوبر، 2026) کوہدایت جاری کی کہ طلبہ یونین کے آئین کومنظوری ملنے کے 15 دن کے اندرانتخابات کرائے جائیں گے۔ اس حکم کے بعد طلبہ یونین کی بحالی اور انتخابی عمل کولے کرپیش رفت کی امید پیدا ہوئی ہے۔ تاہم، مظاہرین کے مطالبات صرف انتخابات تک محدود نہیں تھے۔ طلبہ انتخابات کرانے کے لیے وقت کی پابندی کے ساتھ شیڈول جاری کرنے، ان کے خلاف کی گئی تادیبی کارروائی واپس لینے اورسیکورٹی اہلکاروں پرلگائے گئے مبینہ زیادتیوں کے الزامات کی جانچ کرانے کا بھی مطالبہ کررہے تھے۔ جامعہ میں طلبہ یونین کی بحالی کے معاملے پرجاری اس تحریک کے درمیان اے آئی ایم آئی ایم کے انتخابی میدان میں اترنے کے اعلان نے طلبہ سیاست میں پارٹی کی شرکت کوبھی واضح کردیا ہے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
