جیفری ایپسٹین سے متعلق معاملے سے متعلق ملک کی راجدھانی دہلی میں سیاسی سرگرمیاں تیز ہوگئی ہیں۔ اسی سلسلے میں بھارتی یوتھ کانگریس کے قومی صدر ادے بھانو چب کی قیادت میں تنظیم کے کارکنوں نے اپنے صدر دفتر کے باہر زبردست احتجاج کیا۔ مظاہرین نے مرکزی حکومت کے خلاف نعرے بازی کرتے ہوئے اسے ’ایپسٹین جنتا پارٹی‘ قرار دیا۔ یوتھ کانگریس کے لیڈروں کا کہنا تھا کہ ملک کی خودمختاری اور قومی مفادات پر کسی بھی قیمت پر سمجھوتہ نہیں کیا جا سکتا۔
مرکزی وزیر ہردیپ پوری پر سنگین الزامات
احتجاج کے دوران یوتھ کانگریس کے صدر ادے بھانو چب نے مرکزی حکومت کو نشانہ بناتے ہوئے مرکزی وزیر ہردیپ سنگھ پوری کے استعفے کا مطالبہ کیا۔ انہوں نے الزام لگایا کہ ہردیپ پوری کے جیفری ایپسٹین سے قریبی تعلقات رہے ہیں اور اب اس معاملے کو بھارتی حکومت پر سیاسی اور تجارتی دباؤ ڈالنے کے لیے استعمال کیا جا رہا ہے۔ تاہم، احتجاج کے دوران لگائے گئے ان سیاسی الزامات پر متعلقہ فریقوں یا وزرا کی جانب سے فوری طور پر کوئی سرکاری ردعمل سامنے نہیں آیا۔
وزیر اعظم اور امریکی صدر کو بھی بنایا نشانہ
مظاہرین سے خطاب کرتے ہوئے ادے بھانو چب نے کہا کہ ملک کے قومی مفادات کو کسی بھی بیرونی دباؤ یا بلیک میلنگ کے سامنے جھکنے نہیں دیا جائے گا۔ انہوں نے امریکی صدر ڈونالڈ ٹرمپ سے بھی اپیل کی کہ ایپسٹین سے متعلق فائلوں کو تجارتی معاہدوں کے معاملے میں بھارت پر دباؤ ڈالنے کے ہتھیار کے طور پر استعمال نہ کیا جائے۔ادے بھانو چب نے کہا کہ 140 کروڑ آبادی والا بھارت ایک خودمختار ملک ہے اور کوئی بھی غیر ملکی طاقت سیاسی مجبوریوں کا فائدہ اٹھا کر اس پر اپنی شرائط مسلط نہیں کر سکتی۔
یوتھ کانگریس کے مارچ میں بڑی تعداد میں کارکن شریک
تنظیم کے صدر دفتر سے شروع ہونے والا مارچ جنتر منتر روڈ کی جانب بڑھا۔ اس میں بڑی تعداد میں کارکنوں نے حصہ لیا اور مرکزی حکومت کے خلاف نعرے بازی کی۔سیاسی مبصرین کا خیال ہے کہ آنے والے دنوں میں یہ معاملہ ملکی سیاست میں مزید شدت اختیار کر سکتا ہے، کیونکہ حزب اختلاف اس معاملے کے سلسلے میں مسلسل حکومت کو گھیرنے کی کوشش کر رہا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
