بھارتیہ کرکٹ کنٹرول بورڈ (بی سی سی آئی) شبھمن گل کو مینس کرکٹر آف دی ایئرایوارڈ سے سرفرازکرنے والا ہے۔ ہفتہ کے روزبی سی سی آئی نمن ایوارڈ 2026 کی لسٹ جاری کی گئی، جس میں شبھمن گل کومینس کرکٹرآف دی ایئراوراسمرتی مندھانا کوبیسٹ ویمنس انٹرنیشنل کرکٹرآف دی ایئراعزازملے گا۔ یہ ایوارڈ تقریب اتوار، 15 مارچ کوہوگی۔ بی سی سی آئی نمن ایوارڈ کی شروعات 07-2006 میں ہوئی تھی، جس میں گزشتہ ایک سال میں سب سے بہترین کارکردگی کرنے والے کرکٹروں کوسرفرازکیا جاتا ہے۔
مینس کیٹیگری میں بیسٹ انٹرنیشنل کرکٹرآف دی ایوارڈ کوپالی امریگرایوارڈ بھی کہا جاتا ہے۔ شبھمن گل ابھی ہندوستان کی ٹسٹ اورونڈے ٹیم کے کپتان ہیں اوریہ کل دوسری بارہوگا جب شبھمن گل پالی امریگرایوارڈ سے سرفرازکئے جائیں گے۔ انہوں نے سال 2025 میں 9 ٹسٹ میچوں میں 983 رن بنائے تھے اوروہ گزشتہ سال سب سے زیادہ ٹسٹ رن بنانے والے بلے بازرہے۔ اسی دوران شبھمن گل نے انگلینڈ کے خلاف پانچ میچوں کی سیریزمیں 754 رن بنائے تھے۔ اس کے علاوہ انہوں نے 11 ونڈے میچوں میں 490 رن بنائے تھے۔ دوسری طرف اسمرتی مندھانا کو مسلسل دوسرے سال بیسٹ وویمن انٹرنیشنل کرکٹرکا ایوارڈ ملنے والا ہے اوریہ کل پانچویں بارہوگا جب اسمرتی مندھانا اس اعزازسے سرفرازکی جائیں گی۔
ٹی-20 ورلڈ کپ نہیں کھیلے تھے شبھمن گل
شبھمن گل کو ٹی-20 ورلڈ کپ 2026 سے ٹھیک پہلے ٹی-20 ٹیم سے ڈراپ کردیا گیا تھا۔ خراب فارم کے سبب انہیں باہرکیا گیا تھا اور وہ سال 2025 کی شروعات سے ہی ٹی-20 میں مسلسل بڑی اننگ کھیلنے میں ناکام رہے تھے۔ اس کی ادائیگی انہیں ٹی-20 ورلڈ کپ اسکواڈ سے باہرہونے کے طورپر کرنا پڑا۔ واضح رہے کہ ٹی-20 ورلڈ کپ 2026 کے فائنل میں ہندوستان نے نیوزی لینڈ کو96 رنوں سے ہراکرتاریخی جیت درج کی تھی۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
