دہلی کے وزیر اعلیٰ اروند کیجریوال (فائل فوٹو)
CBI Summons Arvind Kejriwal: دہلی کے وزیر اعلیٰ اروند کیجریوال کو سی بی آئی نے پوچھ گچھ کے لئے نوٹس جاری کیا ہے۔ مرکزی تفتیشی ایجنسی نے انہیں اتوار (16 اپریل) کو صبح 11 بجے بلایا ہے۔ ان سے سی بی آئی نئی شراب پالیسی معاملے میں پوچھ گچھ کرنا چاہتی ہے۔ سی بی آئی افسران نے اس بات کی جانکاری دی ہے۔
سی بی آئی کے سمن کے بعد عام آدمی پارٹی کے لیڈر سنجے سنگھ نے ٹوئٹ کرکے تنقید کی ہے۔ انہوں نے کہا، ”ظلم کا خاتمہ ضرور ہوگا۔ اروند کیجریوال کو سی بی آئی کے ذریعہ سمن کئے جانے کے معاملے میں شام 6 بجے پریس کانفرنس کروں گا۔”
CBI summons Delhi Chief Minister Arvind Kejriwal on Sunday at 11 AM in excise policy case: Officials
— Press Trust of India (@PTI_News) April 14, 2023
واضح رہے کہ نئی شراب پالیسی معاملے میں سی بی آئی دہلی کے سابق نائب وزیر اعلیٰ منیش سسودیا کو پہلے ہی گرفتار کرچکی ہے۔ انہیں سی بی آئی نے لمبی پوچھ گچھ کے بعد 26 فروری کو گرفتار کیا تھا۔ اس کو لے کر عام آدمی پارٹی مسلسل بی جے پی اور مرکزی حکومت پر حملہ آور ہے۔ جمعہ کے روز ہی دہلی کے وزیراعلیٰ نے منیش سسودیا کی گرفتاری کو لے کر بی جے پی پر راست طور پر حملہ کیا۔
انہوں نے کہا، ”کئی ملک مخالف طاقتیں ہیں، جو ملک کو آگے نہیں بڑھنے دینا چاہتی ہے۔ وہ نہیں چاہتا ہے کہ غریبوں کے بچوں کو اچھی تعلیم ملے۔ غریب کا بچہ پڑھے گا تو ملک ترقی کرے گا، لیکن وہ لوگ نہیں چاہتے ہیں کہ ملک آگے بڑھے۔ وہ کون لوگ ہیں جو نہیں چاہتے ہیں کہ ملک ترقی کرے؟ ان سارے لوگوں نے مل کر منیش سسودیا کو جیل بھیج دیا۔”
اروند کیجریوال نے کہا، ”جن لوگوں نے منیش سسودیا کو جیل بھیجا ہے، وہ ملک کے دشمن ہیں۔ تاریخ گواہ ہے کہ جس شخص نے تعلیم کی توسیع کرنے کی کوشش ہے، تاریخ میں تانا شاہ نے اسے اٹھاکر جیل بھیج دیا۔”
