ٹاس جیت کر پہلے بلے بازی کرنے اتری زمبابوے کی ٹیم نے پہلی اننگز میں 504 رنز بنائے۔ برینڈن ٹیلر نے 128 رنز کی شاندار اننگز کھیلی، جبکہ کپتان برائن بینیٹ نے بھی 128 رنز کا تعاون دیا۔ ان دونوں کے علاوہ ویسلی مدھیویرے نے 54 رنز بنائے۔افغانستان کی جانب سے قیس احمد اور محمد سلیم صافی نے 3، 3 وکٹیں حاصل کیں، جبکہ ضیاء الرحمٰن اکبر نے 2 کھلاڑیوں کو آؤٹ کیا۔
تین افغان بلے بازوں نے جڑیں سنچریاں
زمبابوے کے 504 رنز کے جواب میں افغانستان نے پہلی اننگز میں 514 رنز بنا کر 10 رنز کی برتری حاصل کی۔ افغان ٹیم کو صرف 14 رنز کے مجموعی اسکور پر عبدالمالک (2) کی شکل میں پہلا جھٹکا لگا، لیکن اس کے بعد صدیق اللہ اٹل نے رحمان اللہ گربز کے ساتھ مل کر دوسری وکٹ کے لیے 206 رنز کی اہم شراکت قائم کی اور ٹیم کو مشکل صورت حال سے نکالا۔ صدیق اللہ اٹل نے 9 چوکے لگاتے ہوئے 105 رنز بنائے، جبکہ رحمان اللہ گربز نے 113 رنز کی اننگز کھیلی۔ اس کے بعد کپتان رحمت شاہ نے ذمہ دارانہ بلے بازی کا مظاہرہ کرتے ہوئے 347 گیندوں پر 3 چھکوں اور 14 چوکوں کی مدد سے 173 رنز بنائے اور ٹیم کو بڑے اسکور تک پہنچایا۔ زمبابوے کی جانب سے نیومن نیامہوری سب سے کامیاب گیند باز رہے۔ انہوں نے 82 رنز دے کر 5 وکٹیں حاصل کیں، جبکہ گریم کریمر نے 3 اور بلیسنگ موزارابانی نے ایک وکٹ حاصل کی۔
دوسری اننگز میں زمبابوے کی واپسی
افغانستان کو پہلی اننگز میں 10 رنز کی برتری حاصل تھی۔ اس کے جواب میں زمبابوے کی دوسری اننگز کا آغاز اچھا نہیں رہا اور صرف 38 رنز کے مجموعی اسکور پر انوسینٹ کائیا (1) اور بین کیرن (12) پویلین لوٹ گئے۔ اس کے بعد برینڈن ٹیلر نے کپتان برائن بینیٹ کے ساتھ تیسری وکٹ کے لیے 82 رنز کی شراکت قائم کرکے ٹیم کو سنبھالا۔ ٹیلر نے 88 گیندوں پر 2 چھکوں اور 11 چوکوں کی مدد سے 82 رنز بنائے، تاہم وہ 120 کے مجموعی اسکور پر آؤٹ ہوگئے۔ اس کے بعد کپتان برائن بینیٹ نے کریگ ارون کے ساتھ مل کر اننگز کو آگے بڑھایا۔ دونوں نے چوتھی وکٹ کے لیے 44 رنز کی ناقابل شکست شراکت قائم کی۔ کھیل ختم ہونے تک بینیٹ 49 رنز اور ارون 20 رنز بنا کر کریز پر موجود تھے۔ اس طرح زمبابوے نے دوسری اننگز میں 3 وکٹوں کے نقصان پر 164 رنز بنا لیے تھے۔افغانستان کی جانب سے ضیاء الرحمٰن اکبر اب تک 2 وکٹیں حاصل کر چکے ہیں۔ میچ کے پانچویں اور آخری دن زمبابوے کی کوشش ہوگی کہ اپنی برتری کو مزید مضبوط کرے، جبکہ افغانستان کی نظریں جلد وکٹیں حاصل کرکے میچ پر گرفت مضبوط کرنے پر ہوں گی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
