PM Modi Hyderabad Visit: وزیر اعظم مودی نے حیدر آباد میں سکندر آباد -تروپتی وندے بھارت ایکسپریس ٹرین کو دکھائی ہری جھنڈی، کئی اسکیموں کا دیا تحفہ

PM Modi Hyderabad Visit: وزیراعظم نریندرمودی نے حیدرآباد میں سکندرآباد اورتروپتی کے درمیان وندے بھارت ایکسپریس کوہری جھنڈی دکھائی۔ اس دوران وزیراعظم مودی نے ٹرین کا معائنہ کیا اوراسکول کے بچوں سے بات چیت کی۔ اس ٹرین کے شروع ہونے سے تلنگانہ کے سکندرآباد اور پڑوسی ریاست آندھرا پردیش کے شہرتروپتی کے درمیان سفرکا وقت تقریباً ساڑھے تین گھنٹے کم ہو جائے گا، جس سے خاص طور پرتیرتھ یاتریوں کو فائدہ ہوگا۔

وزیراعظم نریندر مودی نے عوامی جلسے کو خطاب کرتے ہوئے کہا کہ ”تلنگانہ-آندھرا پردیش کو جوڑنے والی ایک اور وندے بھارت ٹرین کو ہری جھنڈی دکھائی گئی۔ یہ ٹرین ایک طرح سے ایمان، جدیدیت اورسیاحت کو جوڑنے والی ہے۔ اس کے ساتھ ہی آج یہاں 11,000 کروڑ روپئے سے زیادہ کے پروجیکٹ کا افتتاح کیا گیا اورسنگ بنیاد رکھا گیا۔

#WATCH तेलंगाना: प्रधानमंत्री नरेंद्र मोदी ने सिकंदराबाद और तिरुपति के बीच वंदे भारत एक्सप्रेस को हरी झंडी दिखाकर रवाना किया। pic.twitter.com/VTcyu3rvg0

— ANI_HindiNews (@AHindinews) April 8, 2023

 اس دوران وزیر ریل اشونی ویشنو نے کہا کہ یہ تمل ناڈو کے لئے دوسری وندے بھارت کی سوغات ہے۔ آج وزیراعظم سکندرآباد اسٹیشن کو ورلڈ کلاس بنانے کے لئے سنگ بنیاد رکھیں گے۔ ساتھ ہی سکندرآباد سے محبوب نگرکے درمیان 13 نئی ایم ایم ٹی ایس سروس کا فلیگ آف کریں گے۔

तेलंगाना: प्रधानमंत्री नरेंद्र मोदी ने हैदराबाद में AIIMS बीबीनगर का शिलान्यास किया। PM ने पांच राष्ट्रीय राजमार्ग परियोजनाओं, सिकंदराबाद रेलवे स्टेशन के पुनर्विकास और अन्य विकास परियोजनाओं की आधारशिला भी रखी। pic.twitter.com/2tcx2ByaJ3

— ANI_HindiNews (@AHindinews) April 8, 2023

وزیراعظم نریندر مودی نے حیدرآباد میں ایمس بی بی نگر کا سنگ بنیاد رکھا۔ وزیراعظم نے پانچ قومی شاہراہ اسکیموں، سکندرآباد ریلوے اسٹیشن کے ری ڈیولپمنٹ اور دیگر ترقیاتی منصوبوں کی بنیاد بھی رکھی۔

یہ بھی پڑھیں: Congress On Sharad Pawar: اڈانی معاملے میں اپوزیشن کی جے پی سی کے مطالبے کو شرد پوار نے کیا مسترد، کانگریس نے کہا- یہ ان کا نظریہ

وزیراعظم مودی نے 15 جنوری کو ویڈیو کانفرنسنگ کے ذریعہ سے سکندرآباد اور وشاکھا پٹنم (آندھرا پردیش) کے درمیان وندے بھارت ٹرین کو ہری جھنڈی دکھاکر روانہ کیا تھا، جو دونوں تیلگو زبان والی ریاستوں کو اس طرح کی سروس سے جوڑنے والی پہلی ایسی ٹرین تھی۔ اس موقع پر تلنگانہ کی گورنر تملسائی سوندرراجن، وزیر ریل اشونی ویشنو، مرکزی وزیرثقافت و سیاحت جی کشن ریڈی اوردیگر موجود تھے۔