رشوت خوری کیس میں سی بی آئی کی کارروائی
CBI Raid In Safdarjung Hospital Delhi: مرکزی تفتیشی بیورو (سی بی آئی) نے جمعرات (30 مارچ) کو دہلی کے صفدر جنگ اسپتال کے ایک ڈاکٹر سے متعلق مبینہ بدعنوانی کے معاملے میں کئی مقامات پر چھاپہ ماری کی۔ افسران نے یہ جانکاری دی۔
انہوں نے بتایا کہ خفیہ اطلاع کی بنیاد پر بدعنوانی کے معاملے میں ڈاکٹراور کچھ بچولئے مرکزی تفتیشی بیورو (سی بی آئی) کے رڈار پرآگئے تھے۔ چھاپہ ماری ابھی جاری ہے۔ افسران نے فی الحال اس سے متعلق مزید جانکاری دینے سے انکار کردیا ہے۔
سی بی آئی کے ایک اعلیٰ افسر نے اے این آئی کو بتایا کہ چھاپے کے دوران، سی بی آئی کو بدعنوانی سے متعلق تنخواہ میں اضافہ کے دستاویز ملے۔ دستاویز ضبط کئے گئے ہیں۔ افسر نے کہا کہ مرکزی ایجنسی نے نیورو سرجری محکمہ کے ایک ڈاکٹر اور بچولیوں سمیت کچھ لوگوں کو گرفتار کیا ہے۔
-بھارت ایکسپریس
