محمد شمی نے ریٹائرمنٹ سے متعلق خبر پر ناراضگی کا اظہار کیا ہے۔
ہندوستانی کرکٹ ٹیم کو گزشتہ ایک ہفتے میں دو بڑے جھٹکے لگ چکے ہیں۔ پہلے روہت شرما اور پھر وراٹ کوہلی نے ٹسٹ کرکٹ کو الوداع کہہ دیا ہے۔ روہت شرما-وراٹ کوہلی کے ریٹائرمنٹ کے بعد کئی دیگر ہندوستانی کرکٹروں کے ریٹائرمنٹ سے متعلق ان دنوں جم کربحث ہو رہی ہے۔ اس درمیان، ایک ویب سائٹ نے محمد شمی سے متعلق بھی خبر چلائی کہ وہ بھی جلد ہی ریٹائرمنٹ لے سکتے ہیں۔ محمد شمی اس پوسٹ کی وجہ سے برہم ہوگئے ہیں۔ ٹیم انڈیا کے تیز گیند باز محمد شمی نے اپنے انسٹا گرام پر اس پوسٹ کو شیئر کرتے ہوئے جم کرلتاڑلگائی ہے۔
کس پرآگ بگولہ ہوئے محمد شمی؟
محمد شمی نے اپنے ریٹائرمنٹ سے متعلق چھپنے والی نیوزکا اسکرین شاٹ شیئرکرتے ہوئے لکھا، ”بہت اچھا، شاباش مہاراج! اپنی نوکری کے دن بھی گِن لو کتنے بچے ہوئے ہیں۔ بعد میں ہمارا دیکھ لیں۔ آپ جیسے لوگوں نے ہی ہمارا بیڑا غرق کررکھا ہے۔ مستقبل سے متعلق کبھی تواچھا بول لیا کریں۔ آج کی سب سے خراب اسٹوری! ساری!۔“ محمد شمی نے ہندوستانی ٹیم کے لئے اپنا آخری ٹسٹ میچ سال 2023 میں کھیلا تھا۔ اس ٹسٹ میچ کے بعد سے محمد شمی ٹیم انڈیا سے باہر چل رہے ہیں۔
Instagram story of Mohammed Shami. ⚠️#RohitSharma #ViratKohli #KLRahul #IPL2025 #MSDhoni #RCB pic.twitter.com/QnTEW1VpSN
— Monish (@Monish09cric) May 13, 2025
حالانکہ ونڈے کرکٹ میں محمد شمی نے گزشتہ کچھ سالوں میں ٹیم انڈیا کے لئے غضب کی کارکردگی پیش کی ہے۔ ونڈے ورلڈ کپ 2023 میں محمد شمی نے اپنی قاتلانہ گیند بازی سے خوب قہر برپا کیا تھا۔ اس کے ساتھ ہی ٹیم انڈیا کو چمپئنز ٹرافی کا خطاب دلانے میں محمد شمی نے اہم کردار نبھایا تھا۔ محمد شمی نے 5 میچوں میں کل 9 وکٹ حاصل کئے تھے۔
آئی پی ایل میں مایوس کن کارکردگی
محمد شمی کی کارکردگی آئی پی ایل 2025 میں بے حد مایوس کن رہی ہے۔ محمد شمی اس سال سن رائزرس حیدرآباد کی طرف سے کھیل رہے ہیں۔ 9 میچوں میں محمد شمی کی جھولی میں صرف 6 وکٹ آئے ہیں۔ اس کے ساتھ ہی وہ اس سیزن میں کافی مہنگے بھی ثابت ہوئے ہیں۔ محمد شمی کا انڈین پریمیئر لیگ (آئی پی ایل) کے 18ویں سیزن میں اکنامی 11.23 کا رہا ہے۔ اس سے ثابت ہوتا ہے کہ محمد شمی اس آئی پی ایل میں کافی مہنگے ثابت ہوئے ہیں۔ آپ کو بتا دیں کہ سن رائزرس حیدرآبادک ے لئے یہ سیزن کسی خراب خواب سے کم نہیں رہا ہے۔ ٹیم اب تک 11 میچوں میں صرف تین ہی جیت سکی ہے جبکہ 7 میچوں میں ایس آرایچ کو ہارکا سامنا کرنا پڑا ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
