ڈونالڈ ٹرمپ نے ہند-پاک کے درمیان جنگ سے متعلق ایک بار پھر بڑا دعویٰ کیا ہے۔
Trump on India-Pakistan Ceasefire: امریکہ کے صدر ڈونالڈ ٹرمپ نے منگل (13 مئی، 2025) کوایک بارپھردعویٰ کیا کہ ان کی انتظامیہ نے ہندوستان اور پاکستان کے درمیان بڑھتی جدوجہد کو روکنے کے لئے کامیابی کے ساتھ تاریخی جنگ بند کرائی۔ انہوں نے ریاض میں سعودی عرب-امریکہ سرمایہ کاری فورم کو خطاب کرتے ہوئے کہا، ”جیسا کہ میں نے اپنی افتتاحی تقریب میں کہا تھا، میری بڑی امید امن کا سفیربننا اور اتحاد لانا ہے۔ مجھے جنگ پسند نہیں ہے۔ ویسے ہمارے پاس دنیا کی تاریخ کی سب سے بڑی فوج ہے۔”
ہندوستان-پاکستان کے درمیان کرایا سیز فائر: ٹرمپ
امریکی صدر نے دعویٰ کیا کہ کچھ ہی دن پہلے، میری انتظامیہ نے ہندوستان اورپاکستان کے درمیان بڑھتی کشیدگی کو روکنے کے لئے تاریخی جنگ بندی کو کامیابی کے ساتھ کروایا۔ امریکی صدرٹرمپ خلیجی خطے کے اپنے چار روزہ دورے کے پہلے مرحلے میں سعودی عرب میں ہیں۔ انہوں نے کہا، ”میں نے ایسا کرنے کے لئے کافی حد تک تجارت کا استعمال کیا اور میں نے کہا کہ ساتھیو، چلو۔ ایک سودا کرتے ہیں۔ چلو کچھ تجارت کرتے ہیں۔” ٹرمپ کے اس خطاب کے دوران وہاں موجود ناظرین نے تالیاں بجائیں۔ اس دوران ارب پتی ایلن مسک بھی موجود تھے۔ سعودی ولی عہد محمد بن سلمان نے بھی اس کی تعریف کی۔
ہندوستان-پاکستان سیزفائرپرکیا بولے ٹرمپ؟
ڈونالڈ ٹرمپ نے کہا، ”آئیے، جوہری میزائلوں کی تجارت نہ کریں۔ آئیے، ان چیزوں کی تجارت کریں، جنہیں آپ اتنی خوبصورتی سے بناتے ہیں اور دونوں کے پاس بہت طاقتور لیڈر، بہت مضبوط لیڈر، اچھے لیڈر، اسمارٹ لیڈر ہیں۔ اوریہ سب رک گیا۔ امید ہے کہ یہ ایسے ہی رہے گا، لیکن یہ سب رک گیا۔”
مارکو روبیو پرفخرہے: ڈونالڈ ٹرمپ
انہوں نے کہا کہ انہیں وزیرخارجہ مارکوروبیواوران سبھی لوگوں پربہت فخرہے، جنہوں نے اتنی محنت کی۔ امریکہ کے صدر ڈونالڈ ٹرمپ نے کہا، ”مارکو، کھڑے ہوجائیے۔ تم نے بہت اچھا کام کیا۔ شکریہ۔ نائب صدر جے ڈی وینس، پورے گروپ نے تمہارے ساتھ کام کیا، لیکن یہ بہت اچھا کام ہے اور مجھے لگتا ہے کہ وہ (ہندوستان اورپاکستان) حقیقت میں ساتھ مل رہے ہیں۔”
‘جوہری تنازع کورکوا دیا’، سیز فائر پر ٹرمپ نے کیا تھا دعویٰ
ڈانلڈ ٹرمپ نے ایک دن پہلے دعویٰ کیا تھا کہ ان کی انتظامیہ نے ہندوستان اورپاکستان کے درمیان ’نیوکلیئرجدوجہد‘ کو روک دیا اور جنوب ایشیائی پڑوسیوں سے کہا کہ اگر وہ دشمنی ختم کردیں تو امریکہ ان کے ساتھ ’بہت سارا تجارت‘ کرے گا۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
