ٹیسلا کے ہندوستان آنے کی اطلاعات ہیں۔ اگرچہ حکومت نے ابھی تک اس بارے میں کچھ نہیں کہا لیکن امریکی صدر ڈونلڈ ٹرمپ ایلون مسک کے اس اقدام سے خوش نظر نہیں ہیں ۔امریکی صدر ڈونلڈ ٹرمپ نے کہا ہے کہ ٹیسلا کے سی ای او ایلون مسک کے لیے بھارت میں اپنی کاریں فروخت کرنا ناممکن ہے۔ انہوں نے ایلون مسک کے بھارت میں فیکٹری کھولنے کے منصوبے پر تنقید کرتے ہوئے کہا کہ یہ امریکہ کے لیے غلط ہوگا۔فاکس نیوز کو ایک انٹرویو میں، ٹرمپ نے خاص طور پر درآمد شدہ کاروں پر ہندوستان کے اعلیٰ ٹیرف کا ذکر کیا۔ اس معاملے پر انہوں نے پی ایم مودی سے بھی بات کی۔ اگرچہ دونوں رہنماؤں نے جلد از جلد تجارتی معاہدے کے لیے کام کرنے پر اتفاق کیا، تاہم ٹیرف پر ان کا تعطل ابھی تک حل نہیں ہوا۔اس دوران ٹرمپ نے کہا، “دنیا کا ہر ملک ہم سے فائدہ اٹھاتا ہے اور وہ ٹیرف کے ذریعے ایسا کرتے ہیں۔ مثال کے طور پر، ہندوستان میں کار بیچنا عملی طور پر ناممکن ہے۔”
ٹرمپ کے اس قدم سے امریکہ کو نقصان ہوگا
اس انٹرویو میں ٹرمپ نے کہا کہ مسک کو ہندوستان میں فیکٹری بنانے کا حق ہے لیکن انہوں نے زور دیا کہ اس طرح کے قدم سے امریکہ کو نقصان پہنچے گا۔ ٹرمپ نے کہا کہ اب اگر انہوں نے بھارت میں فیکٹری بنائی تو ٹھیک ہے لیکن یہ ہمارے لیے غلط ہے، یہ بہت غلط ہے۔یاد رہے کہ ٹیسلا کے سی ای او ایلون مسک طویل عرصے سے ہندوستان کے بھاری درآمدی محصولات پر تنقید کرتے رہے ہیں۔
ہندوستان میں الیکٹرک گاڑیوں پر تقریباً 100فیصدی درآمدی ڈیوٹی لگتی ہے، جو ٹاٹا موٹرز جیسی گھریلو کار ساز کمپنیوں کو تحفظ فراہم کرتی ہے۔ تاہم، ہندوستانی حکومت نے حال ہی میں ایک نئی ای وی پالیسی متعارف کرائی ہے جس کے تحت اگر کوئی کار ساز کم از کم500 ملین ڈالرکی سرمایہ کاری کرتا ہے اور مقامی فیکٹری لگاتا ہے تو درآمدی ٹیکس کو 15 فیصد تک کم کر دیتا ہے۔رائٹرز کی رپورٹ کے مطابق، ٹیسلا نے پہلے ہی نئی دہلی اور ممبئی میں شو رومز کے لیے جگہوں کی نشاندہی کی ہے اور بھارت میں درمیانی سطح کے 13 عہدوں کے لیے اشتہار دیا ہے۔ کمپنی فی الحال ملک میں گاڑیاں نہیں بنارہی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
