عام آدمی پارٹی کے قومی کنوینر اروند کیجریوال
Delhi Election 2025: دہلی کے اتم نگر سے عام آدمی پارٹی کے دو بار کے ایم ایل اے نریش بالیان کی گرفتاری کے ایک دن بعد پارٹی کے قومی کنوینر اروند کیجریوال نے اسمبلی انتخابات 2025 کو لے کر بڑا بیان دیا ہے۔ دہلی اسمبلی انتخابات میں اتحاد کے بارے میں انہوں نے کہا کہ ہم کوئی اتحاد نہیں کر رہے ہیں۔ AAP دہلی کی تمام سیٹوں پر اکیلے الیکشن لڑے گی۔ دہلی کے تمام اسمبلی حلقوں میں پریورتن یاترا نکالنے کے بی جے پی کے فیصلے پر، انہوں نے کہا، ”انہیں نکالنے دیں۔ جمہوریت میں ایسا کرنے کا ہر کسی کو حق ہے۔ جمہوریت میں کوئی بھی کچھ بھی نکال سکتا ہے۔“
#WATCH | AAP national convener Arvind Kejriwal says, “I had this expectation that Amit Shah will take some action after I raised the issue (law & order)… But, instead of that, I was being attacked during my padyatra. Liquid was thrown at me, it was harmless, but it could have… pic.twitter.com/86o3S9qo6y
— ANI (@ANI) December 1, 2024
’شکایت کرنے والے کو ہی کر لیا گرفتار‘
قبل ازیں AAP سربراہ اروند کیجریوال نے کہا تھا کہ اتم نگر سے میرے ایم ایل اے نریش بالیان کو 30 نومبر 2024 کو گرفتار کیا گیا۔ جبکہ وہ بدمعاش کے خلاف مسلسل شکایت کرتے رہے ہیں۔ اب ان کے بچے کو نشانہ بنایا گیا ہے۔ گینگسٹر کپل سانگوان کی جانب سے کہا گیا کہ آپ ان لوگوں سے پیسے لے کر ہمیں دے دو۔ نریش بالیان نے دہلی پولیس سے اس دھمکی کی شکایت کی ہے۔ دہلی پولیس نے ان کی شکایت پر کارروائی کرنے کے بجائے انہیں ہی گرفتار کرلیا۔
یہ بھی پڑھیں- AAP ایم ایل اے کی گرفتاری پر اروند کیجریوال نے مرکزی حکومت کو بنایا تنقید کا نشانہ
فروری 2025 میں دہلی کی کل 70 اسمبلی سیٹوں پر انتخابات ہونے جا رہے ہیں۔ اس الیکشن میں AAP دہلی میں چوتھی بار اقتدار میں واپسی کی بھرپور کوشش کر رہی ہے۔ دوسری طرف اس بار بی جے پی اور کانگریس کے لیڈر بھی عآپ کے خلاف جارحانہ رویہ میں نظر آرہے ہیں۔ 2020 کے اسمبلی انتخابات میں اس نے 70 اسمبلی سیٹوں میں سے 62 پر کامیابی حاصل کی تھی۔جبکہ بی جے پی کے امیدوار آٹھ سیٹیں جیتنے میں کامیاب رہے۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
