پریکٹس میچ میں سرفراز خان کے کیچ پر رشبھ پنت ہنستے ہنستے میدان پر لیٹ گئے۔
Australia vs India 1st Test: ٹیم انڈیا ان دنوں پرتھ میں جم کرپریکٹس کررہی ہے۔ پہلا مقابلہ ہندوستانی ٹیم روہت شرما اور شبھمن گل کے بغیرکھیلنے والی ہے۔ شبھمن گل چوٹ کے سبب پرتھ ٹسٹ سے محروم رہنے والے ہیں تو وہیں روہت شرما حال ہی میں دوسری بار والد بنے ہیں۔ اس درمیان پرتھ سے ٹیم انڈیا کے پریکٹس سیشن کا ایک ویڈیو سامنے آیا ہے، جس کو دیکھ کرآپ بھی اپنی ہنسی نہیں روک پائیں گے۔ اس ویڈیو میں وراٹ کوہلی، رشبھ پنت، سرفراز خان اوردھروجریل نظرآرہے ہیں۔ سوشل میڈیا پریہ دلچسپ ویڈیو کافی وائرل ہو رہا ہے۔
سرفرازخان کو دیکھ کرہنسنے لگے کھلاڑی
دراصل، اس ویڈیو میں وراٹ کوہلی، رشبھ پنت، سرفرازخان اوردھرو جریل کیچ کی پریکٹس کرتے ہوئے دکھائی دے رہے ہیں۔ اس دوران سرفرازخان کی طرف گیند آتی ہے اوروہ اس کو لپک لیتے ہیں۔ سرفراز خان کا کیچ پکڑنے کا اسٹائل دیکھ کروراٹ کوہلی، رشبھ پنت اور دھروجریل اپنی ہنسی روک نہیں پاتے ہیں۔ یہاں تک کہ رشبھ پنت تو ہنستے ہنستے میدان پرلوٹ جاتے ہیں۔ اب ان کھلاڑیوں کا یہ دلچسپ ویڈیوسوشل میڈیا پرسامنے آیا ہے۔
The way Sarfaraz Khan took the catch, Virat Kohli, Rishabh Pant & Dhruv Jurel all were laughing.😀
– A lovely video during today’s practice session at Perth..!!! ❤️ pic.twitter.com/GOseztJAqu
— Tanuj Singh (@ImTanujSingh) November 19, 2024
22 نومبر سے کھیلا جائے گا پہلا میچ
بارڈرگواسکرٹرافی میں ہندوستان اورآسٹریلیا کے درمیان پانچ میچوں کی ٹسٹ سیریزکھیلی جائے گی، جس کا پہلا میچ 22 نومبرکو پرتھ میں کھیلا جائے گا۔ روہت شرما کی غیرموجودگی میں جسپریت بمراہ پرتھ ٹسٹ میں ٹیم انڈیا کی کپتانی کرتے ہوئے دکھائی دے سکتے ہیں۔ وہیں اب کپتانی سے متعلق گیند بازی تک میں جسپریت بمراہ کے اوپرٹیم کا دارومدارہونے والا ہے۔
India arrive for practice at the Optus Stadium
No Gill with the team bus ❌ pic.twitter.com/fKCdyLGP2p
— ESPNcricinfo (@ESPNcricinfo) November 19, 2024
پہلے ٹسٹ میچ میں روہت شرما کی غیرموجودگی میں یشسوی جیسوال کے ساتھ کے ایل راہل اننگ کی شروعات کرتے ہوئے دکھائی دے سکتے ہیں۔ اس کے علاوہ شبھمن گل کی جگہ نمبرتین پردیو دت پڈکّل بلے بازی کرتے ہوئے نظرآسکتے ہیں۔
-بھارت ایکسپریس
