کانگریس نے وزیراعظم مودی پر سوال اٹھایا ہے۔
وزیراعظم نریندرمودی کے ذریعہ کانگریس پارٹی کے ٹوئٹ پرکانگریس لیڈرسپریا شری نیت نے پلٹ وارکیا ہے۔ انہوں نے کہا ہے کہ گزشتہ 10 سال سے اس ملک نے صرف جملوں، جھوٹ اورفرضی واڑے کو برداشت کیا ہے۔ انہوں نے کہا کہ ہرسال 2 کروڑ نوکریاں پیدا کرنی تھیں۔ 15 لاکھ روپئے سبھی لوگوں کے بینک کھاتے میں آنا تھا، پٹرول 30 روپئے میں فروخت ہونی تھی۔ روپئے اورڈالرکی قیمت ایک ہونے والی تھی۔ یہ تمام جملے اس ملک میں نریندر مودی کی وجہ سے برداشت کئے گئے۔
کانگریس لیڈرسپریا شرینیت نے کہا کہ کانگریس کی حکومتیں چاہے وہ کرناٹک میں ہو، تلنگانہ میں ہویا پھرہماچل پردیش میں ہو، پارٹی نے پوری معاشی ذمہ داریوں کے ساتھ اپنی سبھی گارنٹیاں پوری کی ہیں۔ انہوں نے کہا کہ اگروزیراعظم مودی کومفاد عامہ کی اسکیموں سے پریشانی ہے تو رہے، کیوں کہ وزیراعظم اپنے سرمایہ کاردوستوں کے 16 لاکھ کروڑ روپئے معاف کرسکتے ہیں، وہ مہا گھوٹالہ اڈانی کو بچاتے ہیں۔ وزیراعظم سیبی سربراہ پرکوئی کارروائی نہیں کرتے ہیں، وہ بڑے بڑے سرمایہ دار دوستوں کی شادی میں شامل ہوتے ہیں۔
’وزیراعظم مودی کو اپنے سرمایہ کاردوستوں کی فکر‘
سپریا شرینیت نے کہا کہ وزیراعظم نریندر مودی کوکوئی فرق نہیں پڑتا کہ اس ملک کے متوسط طبقے، غریبوں، مزدوروں، کسانوں کی کوئی فکرنہیں ہے، ان لوگوں پرجوقرض چڑھ رہا ہے، ان کو لے کرکیا کیا جائے، وزیراعظم مودی کو اس کی فکرنہیں ہے۔ انہیں صرف اپنے سرمایہ داردوستوں کی فکر ہے۔ اپنے سرمایہ دار دوستوں کومزید مالا مال بنانے میں وزیراعظم مودی کوئی کسرنہیں چھوڑتے ہیں۔
जुमलों की वर्षा करने वाले नरेंद्र मोदी को कांग्रेस सरकारों की जनहित योजनाओं से दिक्कत है
लेकिन अपने पूंजीपति मित्रों को और मालामाल बनाने में कोई कसर नहीं छोड़ते हैं
कांग्रेस गरीबों को उनका हक देकर रहेगी
— Supriya Shrinate (@SupriyaShrinate) November 2, 2024
کانگریس صدر کی باربارتوہین کرتے ہیں ویراعظم: کانگریس
سپریا شری نیت نے کہا کہ کانگریس کی فلاحی اسکیمیں کرناٹک سے لے کرتلنگانہ اورہماچل پردیش تک چل رہی ہیں۔ پوری اقتصادی ذمہ داری کے ساتھ چل رہی ہیں اور مستقبل میں بھی جاری رہیں گی۔ انہوں نے کہا کہ وزیراعظم مودی کا تبصرہ کانگریس صدر ملیکا ارجن کھڑگے پرطنز کرتے ہیں، یہ ان کی توہین ہے اور یہ کام وہ باربار کرتے ہیں۔ انہوں نے کہا کہ وزیراعظم نریندر مودی آرایس ایس سے آتے ہں اورآرایس ایس کے لوگوں کو خاص طور پر دلتوں سے پریشانی ہے۔ ان سے اعتراض رہتا ہے۔ کانگریس لیڈر نے کہا کہ یہ ان کی پریشانی ہے کہ کیسے ایک شخص چھوٹے سے کارکن سے آج کانگریس کا صدر بن گیا۔ انہوں نے کہا کہ اس کا جواب عوام نے پہلے بھی دیا ہے اورآگے بھی دے گی۔ انہوں نے یہ بھی واضح کہا کہ کانگریس مفاد عامہ کے کاموں کو جاری رکھے گی اور وزیراعظم اپنے سرمایہ دار دوستوں کو مزید امیر بنانے میں مصروف ہیں۔
وزیراعظم مودی نے کانگریس پراٹھائے تھے سوال
دراصل، وزیراعظم نے کانگریس سے متعلق سوشل میڈیا پرایک پوسٹ شیئرکیا تھا، جس میں انہوں نے کانگریس پرتنقید کرتے ہوئے کہا تھا کہ کرناٹک میں کانگریس ترقی کی پرواہ کرنے کے بجائے پارٹی کے اندرکی سیاست اورلوٹ میں مصروف ہے۔ اتنا ہی نہیں، وہ موجودہ اسکیموں کو بھی واپس لینے جا رہی ہے۔
The people of the country will have to be vigilant against the Congress sponsored culture of fake promises! We saw recently how the people of Haryana rejected their lies and preferred a Government that is stable, progress oriented and action driven.
There is a growing…
— Narendra Modi (@narendramodi) November 1, 2024
وزیراعظم نریندرمودی نے اپنے پوسٹ میں ہماچل پردیش اورتلنگانہ کا ذکرکیا تھا۔ انہوں نے کہا تھا کہ ہماچل پردیش میں سرکاری ملازمین کووقت پرتنخواہ نہیں ملتی۔ وہیں تلنگانہ میں کسان اس چھوٹ کا انتظارکررہے ہیں، جس کا انہوں نے وعدہ نبھایا تھا۔ وزیراعظم مودی نے مزید کہا کہ اس سے پہلے چھتیس گڑھ اور راجستھان میں انہوں نے کچھ بھتے دینے کا وعدہ کیا تھا، جسے پانچ سال تک کبھی نافذ نہیں کیا گیا۔ ایسے بے شمارمثالیں ہیں، جوکانگریس کیسے کام کرتی ہے۔
-بھارت ایکسپریس
