وزیر اعظم مودی
PM Modi: تلنگانہ اور آندھرا پردیش میں موسلادھار بارش کی وجہ سے نظام زندگی درہم برہم ہو کر رہ گیا ہے۔ دونوں ریاستوں میں سیلاب کی صورتحال پیدا ہونے سے وجئے واڑہ جیسے شہر پانی میں ڈوب گئے ہیں۔ دونوں ریاستوں میں بگڑتی ہوئی صورتحال کے بارے میں معلومات حاصل کرنے کے لیے پی ایم مودی نے آندھرا پردیش کے چیف منسٹر چندرا بابو نائیڈو اور تلنگانہ کے چیف منسٹر ریونت ریڈی سے فون پر بات کی۔
پی ایم مودی نے کی فون پر بات
پی ایم مودی نے دونوں وزرائے اعلیٰ کو ہر ممکن مدد کا یقین دلایا ہے۔ تلنگانہ کے سی ایم ریونت ریڈی نے پی ایم مودی کو ریاست کی بگڑتی ہوئی صورتحال سے آگاہ کیا۔ جس میں انہوں نے کہا کہ حکومت عوام کو کسی قسم کی تکلیف یا جان و مال کے نقصان کے بغیر تیزی سے کام کر رہی ہے۔ سی ایم ریڈی نے پی ایم کو بتایا کہ اس آفت میں کھمم ضلع میں بڑا نقصان ہوا ہے۔
یہ بھی پڑھیں- Vanraj Andekar Shot: پونے میں این سی پی کے سابق کونسلر کا گولی مار کر قتل، حملہ آوروں نے پہلے تیز دھار ہتھیار سے کیا تھا حملہ
ہر ممکن مدد کا یقین دلایا
بات چیت کے دوران پی ایم مودی نے کہا کہ مرکزی حکومت اس آفت کے وقت تلنگانہ اور آندھرا پردیش کے ساتھ مضبوطی سے کھڑی ہے۔ اس کے ساتھ انہوں نے یہ بھی کہا کہ خراب موسم کے باوجود مدد کے لیے ہیلی کاپٹر بھیجے جائیں گے۔ سیلاب سے بچاؤ کے کاموں کے لیے تمام ضروری اقدامات کیے جائیں گے اور مدد فراہم کی جائے گی۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
