بی آرایس لیڈر کے کویتا کو سپریم کورٹ نے ضمانت دے دی ہے۔
Delhi Liquor Scam Case: سپریم کورٹ نے بی آرایس لیڈر کے کویتا کو ضمانت دے دی ہے۔ انہیں سی بی آئی اور ای ڈی کی طرف سے درج معاملوں میں ضمانت مل گئی ہے۔ سماعت کے دوران سپریم کورٹ نے کہا کہ وہ 5 ماہ سے حراست میں ہیں۔ گواہوں کی لمبی فہرست اورکئی دستاویز کے سبب نچلی عدالت میں مقدمے میں وقت لگے گا۔ سپریم کورٹ نے واضح کیا کہ وہ مقدمے کے حقائق پرنہیں جا رہے ہیں۔
واضح رہے کہ تلنگانہ کے سابق وزیراعلیٰ چندرشیکھر راؤ کی بیٹی اوربی آرایس کی ایم ایل سی کے کویتا 15 مارچ سے پولیس حراست میں ہیں۔ ہائی کورٹ نے یکم جولائی کو کے کویتا کی عرضی خارج کردی تھی۔ سپریم کورٹ نے کے کویتا کودونوں معاملوں میں 10-10 لاکھ روپئے کی ضمانت بانڈ بھرنے، گواہوں سے چھیڑچھاڑنہ کرنے اورگواہوں کومتاثرنہ کرنے کی شرط پرضمانت دینے کا حکم دیا ہے۔
सुप्रीम कोर्ट ने आबकारी नीति मामले में BRS नेता के कविता को जमानत दे दी है। सुप्रीम कोर्ट ने दिल्ली हाईकोर्ट के उस आदेश को खारिज कर दिया जिसमें उनकी जमानत याचिका खारिज कर दी गई थी।
सुप्रीम कोर्ट ने प्रत्येक को 10 लाख रुपये का जमानत बांड भरने, गवाहों से छेड़छाड़ न करने और गवाहों… pic.twitter.com/6TZhsNskov
— ANI_HindiNews (@AHindinews) August 27, 2024
سپریم کورٹ نے جانچ ایجنسیوں سے پوچھا سوال
سماعت کے دوران جانچ ایجنسیوں ای ڈی اور سی بی آئی سے پوچھا کہ ان کے پاس کے کویتا کے گھوٹالے میں شامل ہونے کے کیا ثبوت ہیں اورجوثبوت ہیں وہ عدالت کو دکھائیں۔ سپریم کورٹ نے شراب پالیسی معاملے میں بی آرایس لیڈرکے کویتا کوضمانت دے دی ہے۔ سپریم کورٹ نے دہلی ہائی کورٹ کے اس حکم کوخارج کردیا، جس میں ان کی ضمانت عرضی خارج کردی گئی تھی۔
سماعت کے دوران پیش کی گئیں یہ دلیلیں
سماعت میں کے کویتا کی طرف سے سینئر وکیل مکل روہتگی شامل ہوئے۔ انہوں نے ضمانت دینے کی اپیل کرتے ہوئے کہا کہ اس معاملے میں پہلے ہی عام آدمی پارٹی کے لیڈرمنیش سسودیا کوضمانت دی جاچکی ہے۔ اس کے علاوہ سی بی آئی اور ای ڈی بھی اپنی جانچ کو پورا کررہی ہے۔ اس دوران جانچ ایجنسیوں کی طرف سے سماعت میں شامل ہوئے ایڈیشنل سالسٹر جنرل ایس وی راجو نے کہا کہ کے کویتا نے اپنے فون سے چھیڑ چھاڑکی ہے اوراسے فارمیٹ کردیا ہے۔ اس دوران مکل روہتگی نے ان الزامات کو بے کار بتاکرخارج کردیا۔
بھارت ایکسپریس–
