ہندوستانی کرکٹر محمد شمی نے وزیراعلیٰ یوگی آدتیہ ناتھ سے ملاقات کی ہے۔
ٹیم انڈیا کے تیز گیند باز محمد شمی نے آج پیرکے روزاترپردیش کے وزیراعلیٰ یوگی آدتیہ ناتھ سے ملاقات کی۔ وزیراعلیٰ یوگی نے اسے خیرسگالی ملاقات بتایا توکرکٹرمحمد شمی نے کہا کہ ان کی وزیراعلیٰ کے ساتھ ملاقات بہت اچھی رہی۔ انہوں نے یہ بھی کہا کہ وہ بھی اترپردیش کے روشن مستقبل کی سمت میں اس سفرکا حصہ بننے کے لئے پُرجوش ہیں۔ ہم ساتھ مل کر ریاست کی ترقی کو حقیقت میں تبدیل کرسکتے ہیں۔
محمد شمی اس وقت انڈین پریمیئرلیگ (آئی پی ایل) کھیل رہے ہیں۔ وہ سن رائزرس حیدرآباد ٹیم کا حصہ ہیں اور ان کی ٹیم آئی پی ایل کا ایک مقابلہ کھیلنے کے لئے لکھنؤ آئی ہوئی ہے۔ سن رائزرس حیدرآباد کا آج اہم مقابلہ لکھنؤ سپرجائنٹس کے ساتھ ہے۔ لکھنؤ سپرجائنٹس کے لئے یہ کرو یا مرو کا میچ ہے کیونکہ پلے آف میں پہنچنے کی اپنی امیدوں کو زندہ رکھنے کے لئے یہ مقابلہ جیتا ہوگا۔
وزیراعلیٰ یوگی نے شیئرکی ملاقات کی تصویر
وزیراعلیٰ یوگی آدتیہ ناتھ نے سوشل میڈیا پلیٹ فارم ایکس پر تصویر کے ساتھ لکھا، ”ہندوستانی کرکٹ ٹیم کے اہم گیند باز محمد شمی سے آج لکھنؤ واقع سرکاری رہائش گاہ پر خیرسگالی ملاقات ہوئی۔“
भारतीय क्रिकेट टीम के प्रख्यात गेंदबाज मोहम्मद शमी जी से आज लखनऊ स्थित सरकारी आवास पर शिष्टाचार भेंट हुई।@MdShami11 pic.twitter.com/M7DQl6VnGB
— Yogi Adityanath (@myogiadityanath) May 19, 2025
وہیں آئی پی ایل کے اہم مقابلے سے پہلے لکھنؤ پہنچے محمد شمی نے وزیراعلیٰ یوگی سے ملاقات کی اورایکس پرتصویرشیئرکرتے ہوئے کہا، ”آج مجھے اترپردیش کے وزیراعلیٰ یوگی آدتیہ ناتھ سے ملنے کا قابل فخر موقع ملا۔ ہماری بات چیت ریاست کے لئے وژن، قیادت اور تبدیلی کے امکانات پرمرکوزتھی۔“
Today, I had the esteemed opportunity to meet with Uttar Pradesh Chief Minister Shri @myogiadityanath Our discussions were rich with insights focused on vision, leadership, and the transformative possibilities for our state. The CM articulated a compelling roadmap for growth,… pic.twitter.com/rEgu4hKDNf
— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) May 19, 2025
ریاست کی ترقی کے لئے روڈ میپ پیش کیا گیا
انہوں نے کہا کہ وزیراعلیٰ یوگی آدتیہ ناتھ نے ریاست کی ترقی کے لئے ایک شاندار روڈ میپ بھی پیش کیا، جس میں پائیدارترقی اورسماجی ترقی پرزوردیا گیا۔ کمیونٹیزکو بااختیار بنانے کے لئے ان کا عزم دل کی گہرائیوں سے گونجتا ہے، جو ہم سب کومثبت تبدیلی میں اپنا تعاون دینے کے لئے ترغیب بھی دیتا ہے۔ محمد شمی نے مزید کہا، ”ہمارے معاشرے کی بہتری کے لئے اس طرح کی لگن کودیکھنا کافی اطمینان بخش ہے اور میں اترپردیش کے روشن مستقبل کی طرف اس مشترکہ سفرکا حصہ بننے کا منتظرہوں۔ امید ہے کہ مل کر، ہم اس وژن کوحقیقت میں بدل سکتے ہیں۔“
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
