پاکستانی فینس کو ’پاکستان زندہ آباد‘ کے نعرے لگانے سے روکا گیا۔
Pak Fans and Police: ورلڈ کپ 2023 میں گزشتہ رات (21 اکتوبر) کوایک نیا تنازعہ پیدا ہوگیا۔ بنگلورومیں کھیلے گئے پاکستان بنام آسٹریلیا مقابلے میں پاکستانی فینس کوان کی ٹیم کو چیئرکرنے سے روک دیا گیا۔ یہاں پولیس نے پاکستانی فینس کو واضح طورپرہدایت دے دی کہ اسٹیڈیم میں ’پاکستان زندہ آباد‘ کے نعرے نہیں لگائے جائیں گے۔ اسے لے کراسٹیڈیم میں تو ہنگامہ ہوا ہی، ساتھ ہی اب سوشل میڈیا پر بھی ہنگامہ آرائی ہو رہی ہے۔
سوشل میڈیا پرایک ویڈیو خواب وائرل ہو رہا ہے۔ اس میں ایک سیکورٹی افسرپاکستانی فینس سے پاکستان ’پاکستان زندہ آباد‘ کے نعرے نہ لگانے کوکہہ رہا ہے۔ اس کے جواب میں فین یہ دلیل دیتے ہوئے بھی نظرآرہا ہے کہ وہ پاکستان سے ہے اورپاکستان کے نعرے نہیں لگائے گا توکس کے لگائے گا۔ فین کو یہ بھی کہتے ہوئے سنا جا رہا ہے کہ اسٹیڈیم میں آسٹریلیا اورپاکستان کا میچ چل رہا ہے اورلوگ ’بھارت ماتا کی جے‘ کے نعرے لگا رہے ہیں تو وہ ’پاکستان زندہ آباد‘ کے نعرے کیوں نہیں لگا سکتا۔ اس پرپولیس اہلکارنے یہ بھی کہہ دیا کہ ’بھارت ماتا کی جے‘ کے نعرے لگائے جاسکتے ہیں، ’پاکستان زندہ آباد‘ نہیں۔
Pakistani Cricket fan, who has come to Support his Team, not being allowed to Cheer for his team by saying Pakistan Zindabad. India is not fit to host any multinational Tournament pic.twitter.com/hKoWtRNQ9c
— Joy (@Joydas) October 20, 2023
’پاکستانی فینس کو روکنا غلط‘
سوشل میڈیا پرجیسے ہی یہ ویڈیوسامنے آیا ہے توپاکستانی کرکٹ فینس بے حد ناراض ہیں۔ فینس کا کہنا ہے کہ ہندوستان میں پاکستانی فینس اپنی ہی ٹیم کوچیئرنہیں کرپا رہے ہیں۔ کچھ ہندوستانی کرکٹ فینس بھی پولیس کے اس رویے کو صحیح نہیں بتا رہے ہیں۔ دراصل، کھیل کے میدانوں میں ہرناظرین کو اپنی ٹیم کا حوصلہ بڑھانے کا اختیارہوتا ہے۔ ایسے میں بنگلورو سے سامنے آیا یہ ویڈیو یقینی طورپربڑے تنازعہ کی وجہ بن سکتا ہے۔
It’s shocking and upsetting to see that people are being stopped from cheering “Pakistan Zindabad” at the game.
This totally goes against what the sport is about!#CWC23 #PAKvsAUS #AUSvsPAK pic.twitter.com/iVnyFlNB09
— Momin Saqib (@mominsaqib) October 20, 2023
مکی آرتھر بھی لگاچکے ہیں یہ الزام
اس سے قبل پاکستانی ٹیم کے ڈائریکٹرمکی آرتھرنے بھی ایک الزام لگایا تھا کہ ہندوستان میں ہورہا ورلڈ کپ ایک آئی سی سی ایونٹ نہیں بلکہ بی سی سی آئی ایونٹ بن کررہ گیا ہے۔ انہوں نے یہ بھی کہا تھا کہ اسٹیڈیم میں نہ توپاکستانی میوزک چلتا ہے اورنہ ہی زیادہ پاکستانی فینس کو ہندوستان آنے کا ویزا مل رہا ہے۔
