پاکستان کرکٹ ٹیم۔ (فائل فوٹو)
World Cup 2023-Pakistan Cricket Board: پاکستان نے اپنے پہلے مقابلے میں نیدرلینڈس کو ہرایا۔ اب بابراعظم کی ٹیم اپنے دوسرے مقابلے میں سری لنکا کے سامنے ہوگی۔ پاکستان اور سری لنکا کے درمیان مقابلہ 10 اکتوبر کو حیدرآباد میں کھیلا جائے گا۔ وہیں، ہندوستان اور پاکستان کا آمنا سامنا 14 اکتوبر کو ہوگا۔ ہندوستان اور پاکستان کی ٹیمیں احمدآباد کے نریندر مودی اسٹیڈیم میں آمنے سامنے ہوگی۔ بہرحال پاکستان کے صحافی ویز نہیں ملنے کے سبب ہندوستان نہیں آسکے، جس کے بعد پاکستان کرکٹ بورڈ نے اپنی ناراضگی ظاہر کی ہے۔
پاکستانی صحافیوں کو ویزا نہیں ملنے سے پی سی بی ناراض
میڈیا رپورٹس کے مطابق، پاکستانی صحافیوں کو ویزا نہیں ملنے سے پی سی بی بے حد خفا ہے۔ تاہم اب اگرپاکستانی صحافی ہندوستان نہیں آپائے تو پریس کانفرنس میں سوال کیسے پوچھیں گے؟ دراصل، پاکستان کرکٹ بورڈ نے ایک واٹس اپ گروپ بنایا ہے۔ اس واٹس اپ گروپ کے ذریعہ پاکستانی صحافی پریس کانفرنس میں سوال پوچھ سکیں گے۔
PCB is angry over India for not providing the Visa to their Journalists. Pakistani journalists will send their questions in a WhatsApp group to participate in the World Cup press conferences. pic.twitter.com/nNEtOpIFmW
— Mufaddal Vohra (@mufaddal_vohra) October 9, 2023
پوائنٹ ٹیبل میں کونسی ٹیمیں کہاں ہیں؟
واضح رہے کہ بابراعظم کی قیادت والی پاکستانی ٹیم نے نیدرلینڈس کے خلاف مقابلے سے اپنے ورلڈ کپ مہم کا آغاز کیا۔ اس مقابلے میں پاکستان نے نیدرلینڈس کو 81 رنوں سے شکست دی۔ وہیں اب تک ساری ٹیمیں کم ازکم ایک مقابلے کھیل چکی ہیں۔ بہرحال پوائنٹس ٹیبل کی بات کریں تو نیوزی لینڈ ٹاپ پر ہے۔ اس کے بعد بالترتیب جنوبی افریقہ، پاکستان، بنگلہ دیش اورہندوستان کا نمبر ہے۔ حالانکہ ان سبھی سیٹوں کے برابر 2-2 پوائنٹس ہیں، لیکن بہتر نیٹ رن ریٹ کے سبب نیوزی لینڈ ٹاپ پر قابض ہے۔
بھارت ایکسپریس۔
