Men’s & women’s teams to receive equal prize money: ڈربن میں جاری آئی سی سی کی سالانہ کانفرنس میں خواتین اور مردوں کے آئی سی سی ایونٹس کے حوالے سے بڑا فیصلہ کیا گیا ہے۔ خواتین کی کرکٹ کو نئی رفتار دینے کے لیے آئی سی سی نے اب خواتین کے مقابلوں میں بھی مردوں کے مقابلوں میں ملنے والی انعامی رقم کی طرح انعامی رقم دینے کا فیصلہ کیا ہے۔ بورڈ آف کنٹرول فار کرکٹ ان انڈیا (بی سی سی آئی) کے سکریٹری جئے شاہ نے آئی سی سی کے اس فیصلے کے بارے میں ٹویٹ کر کے خوشی کا اظہار کیا ہے۔
Both men’s and women’s teams to receive equal prize money for finishing in similar positions at ICC events and will be awarded the same amount for winning a match.
More 👉 https://t.co/u5k5liEJ3r pic.twitter.com/95l0gPr4ZP
— ICC (@ICC) July 13, 2023
اب تک خواتین کو آئی سی سی ایونٹس میں مردوں کے مقابلے میں اتنی انعامی رقم نہیں ملتی تھی۔ البتہ اب یہ کوشش ہورہی ہے کہ سال 2030 تک اس کو یکساں بنا دیا جائے ۔ اب ون ڈے، ٹی ٹوئنٹی اور آئی سی سی کے دوسرے ٹورنامنٹ جو مرد اور خواتین میں کھیلے جاتے ہیں ان میں انعامی رقم ایک جیسی ہوگی۔ اس فیصلے کے حوالے سے آئی سی سی کے چیئرمین گریگ بارکلے کا کہنا تھا کہ یہ ہمارے لیے ایک بڑا اور تاریخی فیصلہ ہے اور مجھے خوشی ہے کہ اب آئی سی سی ایونٹس میں مرد اور خواتین کھلاڑیوں کو یکساں انعامی رقم ملے گی۔ 2017 سے، ہم نے ہر سال خواتین کے مقابلوں میں انعامی رقم کو مساوی انعامی رقم تک پہنچنے پر واضح توجہ مرکوز کرتے ہوئے بڑھایا ہے۔
𝐒𝐭𝐚𝐫𝐭 𝐨𝐟 𝐚 𝐧𝐞𝐰 𝐝𝐚𝐰𝐧. 𝐀𝐧 𝐞𝐫𝐚 𝐨𝐟 𝐞𝐪𝐮𝐚𝐥𝐢𝐭𝐲 & 𝐞𝐦𝐩𝐨𝐰𝐞𝐫𝐦𝐞𝐧𝐭
I am thrilled to announce that a major step towards gender parity & inclusivity has been undertaken. The prize money at all @ICC events will be same for men & women. Together we grow.…
— Jay Shah (@JayShah) July 13, 2023
اس تاریخی فیصلے کے حوالے سے بی سی سی آئی کے سیکرٹری جئے شاہ نے ٹویٹ کر کے خوشی کا اظہار کیا اور لکھاکہ میں اس فیصلے پر بہت خوش ہوں، اب مرد اور خواتین ٹیموں کے درمیان امتیاز مکمل طور پر ختم ہو گیا ہے۔ دونوں ٹیمیں اب ایک ساتھ آگے بڑھ سکیں گی۔ میں اس فیصلے کے حوالے سے بورڈ میں شامل تمام ممبران کا شکریہ ادا کرنا چاہتا ہوں۔
بھارت ایکسپریس۔
