چیمپئنس ٹرافی کے لیے پاکستان نہیں جائے گی ٹیم انڈیا، ہو گیا فیصلہ! جانئے کہاں ہوں گے میچ
ٹی-20 ورلڈ کپ 2024 کا آغازہوگیا ہے اورٹیم انڈیا بھی اب ایکشن میں آنے والی ہے۔ آئرلینڈ کے خلاف اس کا پہلا میچ بدھ 5 جون کو نیویارک کے نیسو کاؤنٹی اسٹیدیم میں ہونا ہے۔ اسی اسٹیڈیم میں ٹیم انڈیا اپنے دو اور میچ کھیلے گی، جس میں سب سے اہم مقابلہ پاکستان کے خلاف ہونا ہے۔ 9 جون کو ہونے والے ہندوستان-پاکستان کے بڑے مقابلے سے متعلق جوش اور بے قراری کافی زیادہ ہے۔ اب دونوں ممالک کے فینس کا تو سمجھ آتا ہے، لیکن غیرملکی بھی اس کا بے صبری سے انتظار کر رہے ہیں اوران میں سے ہی ایک ہیں انگلینڈ کے سابق عظیم بلے باز کیون پیٹرسن، جنہوں نے اس میچ سے پہلے کھلاڑیوں کے لئے سخت ہدایت جاری کی ہے۔
نیویارک میں پہلی بارانٹرنیشنل کرکٹ کھیلا جا رہا ہے اور اس کے لئے خاص طور پر نیسو کاؤنٹی میں غیرمستقل اسٹیڈیم میں تیارکیا گیا ہے۔ اس وجہ سے پہلے سے ہی یہ اسٹیڈیم سرخیوں میں رہا ہے۔ ایک وجہ تو دنیا کے اس حصے میں کرکٹ اسٹیڈیم کا تیارہونا ہے اوردوسرا اس میدان کی پچ اور آؤٹ فیلڈ، جو کافی سرخیوں میں ہے۔ اس میدان پرابھی تک کچھ وارم اپ میچوں کے علاوہ جنوبی افریقہ-سری لنکا کا مقابلہ کھیلا گیا ہے، جبکہ ہندوستان-پاکستان میچ سے پہلے بھی کچھ اورمقابلے کھیلے جاچکے ہوں گے۔
Hmmmm, that wicket in NYC needs some attention before the big game.
I’d also suggest having seen a few players that tried to slide and jarred their knees, that all players exercise caution.
I’m sure everyone is working extremely hard to make sure it’s perfect for IND vs PAK! 🙏🏽— Kevin Pietersen🦏 (@KP24) June 4, 2024
پیٹرسن کی سب کو ہدایت
ان سبھی مقابلوں میں میدان کی صورتحال سے متعلق کافی بات ہوئی ہے اور بڑے مقابلے سے پہلے کیون پیٹرسن نے بھی اس پر بڑی بات کہی ہے۔ ہندوستان-پاکستان کو دھیان میں رکھتے ہوئے پیٹرسن نے ایکس پر ایک پوسٹ کیا اور کہا کہ اس اسٹیڈیم کی پچ پر دھیان دینے کی ضرورت ہے۔ اتنا ہی نہیں، کیون پیٹرسن نے اس اسٹیڈیم کے آؤٹ فیلڈ پر بھی سوال کھڑے کئے، جو کھلاڑیوں کے لئے خطرناک ثابت ہوتا ہوا نظرآرہا ہے۔
کیون پیٹرسن نے کہا کہ فیلڈنگ کے دوران کئی کھلاڑیوں کے سلائیڈ کرنے پر گھٹنے پھنسنے کو دھیان میں رکھتے ہوئے وہ فیلڈرس کو اضافی احتیاط برتنے کا مشورہ دیں گے۔ سابق انگلش بلے باز نے امید ظاہرکی کہ ہندوستان-پاکستان کے درمیان ہونے والے اہم مقابلے کو بالکل بہترین بنانے کے لئے سبھی لوگ ان دونوں موضوعات کو حل کرنے کے لئے سخت محنت کررہے ہوں گے۔
