بہار کے وزیر اعلی نتیش کمار۔ (فائل فوٹو)
بہار کے وزیر اعلیٰ نتیش کمار نے ہفتہ (27 جولائی 2024) کو دہلی میں ہونے والی نیتی آیوگ گورننس کونسل کی میٹنگ میں شرکت نہیں کی، جس کی وجہ سے اب سیاست شروع ہو گئی ہے۔ سی پی آئی (ایم ایل)، حزب اختلاف کا متحدہ محاذ ’ انڈیا الائنس’ کی حلیف، نے دعویٰ کیا کہ مرکزی حکوت نے بہار کو خصوصی ریاست کا زمرہ درجہ دینے سے انکار کردیا اور اسی شرمندگی سے بچنے کے لیے، وہ نیتی آیوگ کے اجلاس میں شریک نہیں ہوئے۔
جے ڈی یو نے میٹنگ میں شرکت نہ کرنے پر خاموشی برقرار رکھی
سی پی آئی (ایم ایل) نے حکمراں نیشنل ڈیموکریٹک الائنس (این ڈی اے) کو خصوصی پیکج پر گمراہ کن دعووں پر تنقید کا نشانہ بنایا اور اگلے ماہ احتجاجی مارچ کا اعلان کیا۔ دہلی میں نیتی آیوگ کی میٹنگ میں پارٹی صدر نتیش کمار کی عدم موجودگی پر جنتا دل (یونائیٹڈ) کے لیڈروں نے خاموشی برقرار رکھی۔ وزیر اعلیٰ نے پڑوسی ریاست جھارکھنڈ میں اسمبلی انتخابات کی تیاریوں پر تبادلہ خیال کے لیے پٹنہ میں پارٹی میٹنگ کی۔
سی پی آئی (ایم ایل) نے نتیش کمار کے بارے میں دعویٰ کیا۔
بہار اسمبلی میں سی پی آئی (ایم ایل) کے لیڈرمحبوب عالم نے کہا کہ میں یہ کہنا چاہوں گا کہ لوک سبھا انتخابات کے بعد مرکزی حکومت کی طرف سے بہار کو خصوصی ریاست کا درجہ دینے سے انکار کی وجہ سے وزیر اعلیٰ نے اس اجلاس میں شرکت نہیں کی۔ چیف منسٹر نے اس میٹنگ میں شرکت نہیں کی تھی جس میں جے ڈی یو نے ایک قومی ایگزیکٹو میٹنگ کا اہتمام کیا تھا، جس میں خصوصی درجہ کے نئے مطالبے کو لے کر ایک قرارداد منظور کی گئی تھی۔ بی جے پی لوک سبھا انتخابات میں اکثریت سے محروم ہوگئی تھی اور اتحادیوں پر بہت زیادہ انحصار کرنے لگی ہے۔
بہار، کیرالہ سمیت 10 ریاستوں اور مرکز کے زیر انتظام علاقوں کے وزرائے اعلیٰ نے نیتی آیوگ کی میٹنگ میں شرکت نہیں کی۔ میٹنگ میں 26 ریاستوں اور مرکز کے زیر انتظام علاقوں کے وزرائے اعلیٰ اور لیفٹیننٹ گورنرز اور دیگر نمائندوں نے شرکت کی۔ میٹنگ میں دیہات میں غربت کو صفر کی سطح پر لانے یعنی اسے مکمل طور پر ختم کرنے کے آئیڈیا پر گہری بات چیت ہوئی۔ میٹنگ میں وزیر اعظم نریندر مودی نے ترقی یافتہ ہندوستان کے لیے ترجیحی بنیادوں پر غربت کے خاتمے کا مشورہ دیا۔
بھارت ایکسپریس۔
