کیجریوال کو سپریم کورٹ سے راحت ملی لیکن سی بی آئی نے کیا ’مشکل‘میں اضافہ، جانئے کب جیل سے باہر آئیں گے دہلی کے وزیراعلیٰ؟
دہلی کے وزیر اعلی اروند کیجریوال کو ایکسائز پالیسی گھوٹالہ سے متعلق منی لانڈرنگ کیس میں راؤس ایونیو کورٹ سے کوئی راحت نہیں ملی ہے۔ راؤس ایونیو کورٹ میں اروند کیجریوال کی باقاعدہ ضمانت کی درخواست پر سماعت شروع ہوئی۔
کیجریوال کے وکیل ہری ہرن نے درخواست کی کہ ضمانت کی عرضی چھٹی والے جج کے سامنے درج کی جائے۔ عدالت نے کیس کی اگلی سماعت 14 جون صبح 10 بجے تک ملتوی کر دی۔
کیجریوال کی باقاعدہ ضمانت کی درخواست پر 7 جون کو سماعت ہوئی ہے۔ قبل ازیں سماعت کے دوران کیجریوال کی طرف سے پیش ہونے والے وکیل وویک جین نے کہا تھا کہ کیجریوال کے وزن میں کچھ تبدیلیاں آئی ہیں۔جس کے بعد عدالت نے کہا تھا کہ کیجریوال کی جانب سے مناسب درخواست دائر کی جائے۔ جس میں یہ واضح کیا جائے کہ وہ کس قسم کے ریلیف کا مطالبہ کر رہے ہیں۔
قبل ازیں ای ڈی نے عبوری ضمانت کی درخواست پر اعتراض ظاہر کیا تھا اور کہا تھا کہ یہ درخواست قابل سماعت نہیں ہے۔ ای ڈی نے دلیل دی تھی کہ عبوری ضمانت کی عرضی داخل کرکے کیجریوال سپریم کورٹ کے حکم میں توسیع کی کوشش کر رہے ہیں، جو قابل قبول نہیں ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
