آل انڈیا یونائیٹیڈ ڈیموکریٹک فرنٹ یعنی اے آئی یو ڈی ایف کے چیف اور رکن پارلیمنٹ مولانا بدرالدین اجمل نے آسام کے وزیراعلیٰ ہمنتا بسوا سرما کےاس بیان پر پلٹ وار کیا ہے جس میں ہمنتا نے مولانا بدرالدین اجمل کو مشورہ دیا تھا کہ اگر وہ دوسری شادی کرنا چاہتے ہیں تو لوک سبھا الیکشن سے پہلے ہی کرلیں ۔ ہمنتا بسوا سرما کے اس بیان پر پلٹ وار کرتے ہوئے مولانا بدرالدین اجمل نے آج میڈیا سے خطاب کرتے ہوئے کہا کہ ہمنتا بسوا سرما کے پاس اتنی قوت نہیں ہے کہ وہ ایک بچہ پیدا کرسکے،جبکہ میرے سات سات بچے ہیں،ان میں سے ایک چالیس سال کا جوان بھی ہے، اگر مجھے دوسری شادی کرنی ہوگی تو میں وزیراعلیٰ سے پوچھوں گا بھی نہیں۔
Dhubri: On Assam CM Himanta Biswa Sarma’s ‘if he is planning to marry again, he should do so ahead of the Lok Sabha polls’ remark, AIUDF chief Badruddin Ajmal says, “He has no power and gave birth to only one child and I have seven children and few of them are now young, 40 years… pic.twitter.com/0R3VUDIBuE
— ANI (@ANI) April 1, 2024
دراصل اے آئی یو ڈی ایف کے ایم پی بدرالدین اجمل پر سخت طنز کرتے ہوئے، ہمنتا بسوا سرما نے ہفتے کے روز کہا تھاکہ اگر وہ دوبارہ شادی کرنا چاہتے ہیں، تو انہیں لوک سبھا انتخابات سے پہلے ایسا کرنا چاہئے کیونکہ آسام حکومت بعد میں یکساں سول کوڈ (یو سی سی) لائے گی۔ انتخابات کے بعد، یو سی سی نافذ ہو جائے گا اور اگر کوئی دوبارہ شادی کرتا ہے تو اسے جیل بھیج دیا جائے گا کیونکہ سب کے لیے ایک سے زیادہ شادیاں غیر قانونی قرار دی جائیں گی۔
بی جے پی رہنما نے کہا کہ اگر بدرالدین اجمل انہیں اپنی شادی میں مدعو کرتے ہیں تو میں بھی اس میں شرکت کروں گا لیکن انتخابات کے بعد وہ ایسا نہیں کر سکتے کیونکہ قانون سب کے لیے یکساں ہوگا۔آسام حکومت نے گزشتہ ماہ آسام مسلم شادیوں اور طلاق رجسٹریشن سے متعلق ایکٹ 1935 کو منسوخ کرنے کی منظوری دی تھی۔ہمنتا بسوا سرما نے کہا تھا کہ یو سی سی کو نافذ کرنے والی اتراکھنڈ اور گجرات کے بعد آسام تیسری ریاست ہوگی۔یاد رہے کہ مولانا بدرالدین اجمل آسام کے دھوبری حلقہ سے تین بار رکن پارلیمنٹ ہیں اور اس سال پھر اسی سیٹ سے الیکشن لڑ رہے ہیں۔ کانگریس نے سابق وزیر رقیب الحسین کو دھوبری سے اپنا امیدوار بنایا ہے۔
بھارت ایکسپریس۔
