ریاست آندھرا پردیش کے وجیا نگرم ضلع میں ٹرین حادثہ پیش آیا ہے۔ یہاں وشاکھاپٹنم سے رائے گڑھ جانے والی ایک مسافر ٹرین آج دیر شام دوسری ٹرین سے ٹکرا گئی۔ اس حادثے میں چھ افراد کی موت ہوگئی ہے۔حادثے میں ریلوے کے کئی ڈبوں کو نقصان پہنچا۔ کئی مسافروں کے زخمی ہونے کی اطلاعات ہیں۔ موقع پر امدادی کام جاری ہے۔
#UPDATE | There was a rear collision between the Visakhapatnam-Palasa passenger train and the Visakhapatnam-Ragada passenger train. 3 coaches were involved in the accident and 10 injured. Rescue operations are underway, Local administration and NDRF were informed for assistance… https://t.co/foBoTg0FRp
— ANI (@ANI) October 29, 2023
ڈویژنل ریلوے مینیجر کے حوالے سے خبر رساں ایجنسی اے این آئی نے اتوار کی رات 8:51 پر بتایا کہ مسافر ٹرین کے کئی ڈبے الگ ہو کر پٹری سے اتر گئے اور ادھر ادھر ہو گئے۔ ابھی اندھیرے میں کچھ نظر نہیں آ رہا۔ جس کی وجہ سے جانی و مالی نقصان کی تاحال کوئی اطلاع نہیں ہے۔ آپ یہاں مقامی لوگوں کی لی گئی تصاویر دیکھ سکتے ہیں۔
سی ایم جگن ریڈی نے انتظامیہ احکامات دیئے۔
آندھرا پردیش کے سی ایم او کے بیان میں کہا گیا ہے، ’’وزیر اعلیٰ وائی ایس۔ جگن موہن ریڈی نے راحتی اقدامات کرنے اور وجیا نگرم کے نزدیکی اضلاع وشاکھاپٹنم اور اناکاپلے سے زیادہ سے زیادہ ایمبولینس بھیجنے اور اچھی طبی سہولیات فراہم کرنے کے لیے قریبی اسپتالوں میں مناسب انتظامات کرنے کی ہدایت دی ہے۔ وزیراعلیٰ نے پولیس اور ریونیو سمیت دیگر محکموں کو مربوط کرنے کے احکامات جاری کیے ہیں، تاکہ زخمیوں کو فوری طبی سہولیات مل سکیں۔
