UP News: اترپردیش کے بداون ضلع میں پوسٹ مارٹم کے بعد ایک خاتون کی لاش کی آنکھیں نکالنے کا معاملہ سامنے آیا ہے۔ اہل خانہ کے الزامات پر ضلع مجسٹریٹ نے اس معاملے میں چیف میڈیکل آفیسر سے دوبارہ پوسٹ مارٹم کرانے اور رپورٹ پیش کرنے کو کہا ہے۔ لواحقین نے پوسٹ مارٹم کرانے والے ڈاکٹر یا ملازم پر آنکھیں نکالنے اور لاپرواہی کا الزام لگایا ہے۔
پوسٹ مارٹم کے دوران نکال لی گئیں آنکھیں
پوجا (20) کا مبینہ طور پر جہیز کے لیے قتل کیا گیا تھا اور اتوار کو اس کی لاش ضلع کے مزاریہ علاقے کے رسولہ گاؤں میں لٹکی ہوئی ملی تھی۔ لاش کو پیر کو پوسٹ مارٹم کے لیے بھیج دیا گیا۔ جب لاش لواحقین کے حوالے کی گئی تو اس کی آنکھیں غائب تھیں۔ اہل خانہ کا الزام ہے کہ پوسٹ مارٹم کے دوران آنکھیں نکالی گئیں۔
انہوں نے ضلع مجسٹریٹ منوج کمار سے بھی رابطہ کیا اور ڈاکٹر اور عملے کے ارکان کے خلاف سخت کارروائی کا مطالبہ کیا، یہ الزام لگاتے ہوئے کہ وہ اعضاء کی اسمگلنگ میں ملوث ہیں۔ مسٹر کمار نے کہا، “خاتون کے گھر والوں نے مجھ سے ملاقات کی اور کارروائی کے لیے شکایت کی۔ تحقیقات کا حکم دے دیا گیا ہے اور دوبارہ پوسٹ مارٹم کیا جائے گا۔ اگر کوئی قصوروار پایا گیا تو سخت کارروائی کی جائے گی۔”
چیف میڈیکل آفیسر پردیپ ورشنے نے کہا کہ ضلع مجسٹریٹ نے ویڈیو پر دوسرا پوسٹ مارٹم کرنے اور اس کی رپورٹ پیش کرنے کا حکم دیا ہے۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
