تمل ناڈو میں بی جے پی کو بڑا جھٹکا لگا ہے۔ آل انڈیا انا دراوڑ منیترا کزگم (اے آئی اے ڈی ایم کے) نے پیر (25 ستمبر) کو بی جے پی کی قیادت والے قومی جمہوری اتحاد (این ڈی اے) سے اتحاد توڑنے کا اعلان کردیا۔ پارٹی نے اس سلسلے میں ایک قرارداد منظور کی ہے۔ اے آئی اے ڈی ایم کے لیڈروں کی میٹنگ کے بعد پارٹی کے ڈپٹی کوآرڈینیٹر کے پی مونوسامی نے کہا، “اے آئی اے ڈی ایم کے آج سے بی جے پی اور این ڈی اے سے تمام تعلقات توڑ رہی ہے۔ اے آئی اے ڈی ایم کے کارکنوں نے بی جے پی سے اتحاد توڑنے کے بعد پٹاخے پھوڑے اور جشن منایا۔
Here is the text of the resolution adopted by the AIADMK during a meeting of headquarters secretaries, district secretaries, MPs and MLAs. Read out by K P Munusamy, AIADMK’s deputy general secretary. pic.twitter.com/rNcq9lF6TC
— Ramakrishnan T (@Rama_Krishnan) September 25, 2023
پارٹی نے کہا کہ پچھلے ایک سال سے، بی جے پی کی ریاستی قیادت مسلسل ہمارے سابق لیڈروں، ہمارے جنرل سکریٹری ای پی ایس (ایڈاپاڈی پلانی سوامی) اور ہمارے کارکنوں پر غیر ضروری تبصرے کر رہی ہے۔ یہ قرارداد آج کی میٹنگ میں متفقہ طور پر منظور کی گئی ہے کہ ہم بی جے پی یا این ڈی اے سے مکمل طور پر رشتہ ختم کررہے ہیں۔
#WATCH | Tamil Nadu | AIADMK workers burst crackers in Chennai after the party announces breaking of all ties with BJP and NDA from today. pic.twitter.com/k4UXpuoJhj
— ANI (@ANI) September 25, 2023
خبر رساں ایجنسی پی ٹی آئی کے مطابق اے آئی اے ڈی ایم کے نے کہا کہ وہ 2024 کے لوک سبھا انتخابات میں ایک الگ محاذ کی قیادت کرے گی۔ دراصل ملک میں اس وقت دو بڑے اتحاد ہیں۔ اس میں ایک بی جے پی کی قیادت والی این ڈی اے ہے اور دوسرا ‘انڈیا’اتحاد ہے، جو 28 جماعتوں کا اپوزیشن اتحاد ہے جس میں کانگریس، ٹی ایم سی اور عام آدمی پارٹی شامل ہیں۔ فی الحال بہت سی پارٹیاں ہیں جو این ڈی اے اور ‘انڈیا’ دونوں کا حصہ نہیں ہیں۔ تلنگانہ کے سی ایم کے سی آر کی بھارتیہ راشٹرا سمیتی، ایم پی اسد الدین اویسی کی آل انڈیا مجلس اتحاد المسلمین، اوڈیشہ کے سی ایم نوین پٹنائک کی بیجو جنتا دل اور آندھرا پردیش کے چیف منسٹر وائی ایس جگن موہن ریڈی کی وائی ایس آر کانگریس پارٹی سمیت کئی پارٹیاں ہیں جو ابھی بھی دونوں اتحاد سے دور ہیں۔
AIADMK Spokesperson Sasirekha, “…Based on the members’ opinion we are taking this resolution… This is the happiest moment for AIADMK. We are very happy to face the upcoming elections whether it might be Parliament or Assembly elections…” https://t.co/GiNZLJsRR7 pic.twitter.com/wkwn2QYNEI
— ANI (@ANI) September 25, 2023
بی جے پی کا جواب
جب بی جے پی کے ریاستی صدر کے اناملائی سے اے آئی اے ڈی ایم کے سے اتحاد توڑنے کے بارے میں پوچھا گیا تو انہوں نے کہا کہ وہ اس پر بعد میں بیان دیں گے۔ میں سفر کے دوران بات نہیں کرتا۔وہیں اپوزیشن کی جماعتوں نے بھی اس کو اے آئی ڈی ایم کے کا اندرونی معاملہ بتاکر کسی بھی قسم کا تبصرہ کرنے سے فی الحال انکار کردیا ہے۔
#WATCH | Coimbatore | On AIADMK breaking alliance with BJP and NDA, Tamil Nadu BJP president K Annamalai says, “I will speak to you later, I don’t speak during Yatra. I will speak later.” pic.twitter.com/yObr5hSeT3
— ANI (@ANI) September 25, 2023
اتحاد کیوں ٹوٹا؟
اے آئی ڈی ایم کے کے وفد نے حال ہی میں دہلی میں بی جے پی صدر جے پی نڈا اور مرکزی وزیر پیوش گوئل سے ملاقات کی تھی۔ اس دوران پارٹی نے بی جے پی کے ریاستی سربراہ کے اناملائی کی جانب سے معافی مانگنے کے لیے قیادت سے مداخلت کی درخواست کی تھی۔ پی ٹی آئی کے مطابق، بی جے پی کے ریاستی نائب صدر ایم چکرورتی نے کہا، “ہماری قیادت کو انامالائی کو ہٹانے کا خیال پسند نہیں ہے کیونکہ وہ پارٹی کو مضبوط کر ر ہے ہیں اور اسے شاندار طریقے سے آگے بڑھا رہے ہیں۔
بھارت ایکسپریس۔
