منور رانا کو لکھنؤ کے عیش باغ قبرستان میں سپرد خاک کیا گیا۔
عالمی شہرت یافتہ شاعراورپوری دنیا میں منفرد شاعری اورلب ولہجہ کی وجہ سے مقام حاصل کرنے والے منوررانا کوآج لکھنؤ کےعیش باغ سپرد خاک کیا گیا۔ اس موقع پر بڑی تعداد میں لوگوں نے نم آنکھوں سے انہیں الوداع کہا۔ منوررانا کی نمازجنازہ لکھنؤکے معروف ادارہ لکھنؤکالج میں بعد نمازظہرادا کی گئی۔ اس کے بعد عیش باغ واقع قبرستان میں تدفین عمل میں آئی۔ قابل ذکرہے کہ 14 جنوری 2024 کولکھنؤ کے پی جی آئی اسپتال میں 71 سال کی عمرمیں آخری سانس لی۔
منوررانا کے انتقال پروزیراعظم نریندرمودی، کانگریس صدرملیکا ارجن کھڑگے، سابق صدرراہل گاندھی، اترپردیش کے سابق وزیراعلیٰ اکھلیش یادو، یوپی کے نائب وزیراعلیٰ برجیش پاٹھک، راجیہ سبھا رکن پارلیمنٹ اورمعروف شاعر عمران پرتاپ گڑھی، مشہورشاعراورکوی کماروشواس سمیت کئی اہم سیاسی شخصیات، اردوادب کی نامورشخصیات، صحافیوں اورعام لوگوں نے بھی تعزیت کا اظہارکیا۔ سوشل میڈیا پران کے انتقال کی خبربھری پڑی ہے اورلوگوں نے ان کے اشعارکے ذریعہ ہی انہیں خراج عقیدت پیش کیا۔ منوررانا کو تعزیت پیش کرنے کے لئے یوپی کے سابق وزیراعلیٰ اکھلیش یادو اورنغمہ نگارجاوید اختربھی ان کے گھرپہنچے اوراہل خانہ سے تعزیت کا اظہارکیا۔
جاوید اخترنے شاعری اور اردو کا خسارہ قرار دیا
منوررانا کی تدفین میں معروف نغمہ نگارجاوید اخترنے بھی شرکت کی اورتعزیت پیش کیا۔ اس موقع پرانہوں نے کہا کہ منوررانا کا انتقال شاعری اواردو کے لئے بہت بڑا نقصان ہے، مجھے اس کا بہت افسوس ہے۔ انہوں نے کہا کہ ان کی شاعری متاثرکن ہے، ان کا اپنا اندازتحریرتھا۔ ان کی کمی ہمیشہ محسوس ہوگی۔ انہوں نے منوررانا کے اندازاوراچھی شاعری کی تعریف کرتے ہوئے کہا کہ اچھی شاعری کرنا کافی مشکل ہے، لیکن اس سے بھی زیادہ مشکل اپنی شاعری کرنا ہے۔
#WATCH | Lyricist and screenwriter Javed Akhtar at the Lucknow residence of poet Munawwar Rana who passed away last night following a prolonged illness in Lucknow
” This is a huge loss to Shayari…This generation of Rahat sahib, Nida Fazli and Munawwar…This loss cannot be… pic.twitter.com/13ZVVkpDnL
— ANI UP/Uttarakhand (@ANINewsUP) January 15, 2024
منوررانا کے انتقال پرسیاسی شخصیات کی جانب سے بھی دکھ اورتعزیت کا اظہارمسلسل ہورہا ہے ۔ اسی ضمن میں وزیراعظم نریندرمودی نے بھی سوشل میڈیا پلیٹ فارم ایکس (ٹوئٹر) پر اپنے بیان میں منوررانا کو یاد کیا ہے اورخراج پیش کرتے ہوئے ان کی ادبی خدمات کوسراہا ہے۔ پی ایم مودی نے اپنے بیان میں لکھا ہے کہ منوررانا کے انتقال کی خبرسے کافی تکلیف ہوئی ہے۔ اردوادب وشاعری میں ان کی بہترین شراکت داری ہے۔ ان کے وارثین کے ساتھ میری گہری تعزیت ہے۔
Pained by the passing away of Shri Munawwar Rana Ji. He made rich contributions to Urdu literature and poetry. Condolences to his family and admirers. May his soul rest in peace.
— Narendra Modi (@narendramodi) January 15, 2024
کانگریس پارٹی کے صدر ملکارجن کھرگے نے بھی منوررانا کو یاد کیا ہے۔ انہوں نے ایکس پرلکھا کہ لپٹ جاتا ہوں ماں سے اور موسی مسکراتی ہے۔ میں اردو میں غزل کہتاہوں ،ہندی مسکراتی ہے۔ اردو کے مشہور شاعر، منور رانا جی کا انتقال ادبی دنیا کا بہت بڑا نقصان ہے۔ انہوں نے اپنی شاعری سے ہندوستان کے لوگوں کے دلوں میں اپنی جگہ بنائی۔ ان کے الفاظ رشتوں کے خوبصورت تانا بانا بنتے تھے۔ ان کے اہل خانہ اورچاہنے والوں کے تئیں میری تعزیت۔
“लिपट जाता हूँ माँ से और मौसी मुस्कुराती है
मैं उर्दू में ग़ज़ल कहता हूँ हिन्दी मुस्कुराती है”उर्दू के मशहूर शायर, मुनव्वर राना जी का निधन साहित्य के क्षेत्र की बहुत बड़ी क्षति है।
उन्होंने अपनी शायरी से हिंदुस्तान के लोगों के दिलों में अपनी जगह बनाई, उनके शब्द रिश्तों का… pic.twitter.com/3w7eGxlc9l
— Mallikarjun Kharge (@kharge) January 15, 2024
اترپردیش کے سابق وزیراعلیٰ اورسماجوادی پارٹی کے سربراہ اکھلیش یادو نے تدفین سے قبل منوررانا کے گھرپہنچ کرآخری دیدارکیا۔ انہوں نے اہل خانہ کو تسلی دی اورغم کی اس مشکل گھڑی میں حوصلہ دیا۔ اس سے قبل انہوں نے منور رانا کے انتقال پرتعزیت کا اظہارکیا تھا۔ انہوں نے ایکس پرایک پوسٹ میں لکھا کہ “تو اب اس گاوں سے رشتہ ہمارا ختم ہوتا ہے ۔ پھرآنکھیں کھولی جائیں کہ سپنا ختم ہوتا ہے۔” ملک کے مشہور شاعرمنور رانا کا انتقال کافی تکلیف دہ ہے۔ مرحوم کی روح کے سکون کی دعا کرتا ہوں۔
#WATCH | Lucknow, UP: Samajwadi Party chief Akhilesh Yadav arrives at the residence of poet Munawwar Rana, who passed away last night following prolonged illness in Lucknow. pic.twitter.com/OjvXR4azCH
— ANI UP/Uttarakhand (@ANINewsUP) January 15, 2024
ان رہنماوں کے علاوہ بھی متعدد دیگر سیاسی شخصیات نے منور رانا کے انتقال پر تعزیت کا اظہار کیا ہے۔ وہیں دوسری طرف سماجی اور تعلیمی شخصیات نے بھی منور رانا کے انتقال کو اردو شاعری میں ایک عہد کا خاتمہ قرار دیا ہے ۔
بھارت ایکسپریس۔
