مغربی بنگال میں بی جے پی حکومت نے پیر(22 جون، 2026) کواسمبلی میں مالی سال 27-2026 کا اپنا پہلا مکمل بجٹ پیش کیا۔ شوبھیندوحکومت نے بجٹ میں ایک لاکھ سرکاری نوکریوں سے لے کرخواتین کومفت بس سروس، سرکاری ملازمین کے ڈی اے میں 20 فیصد اضافہ سمیت کئی بڑے اعلان کئے ہیں۔ بجٹ پیش کرنے سے پہلے وزیراعلیٰ شوبھیندوادھیکاری اوروزیر خزانہ سوپن داس گپتا نے پوجا-ارچنا کی۔ خاص بات یہ رہی کہ بجٹ دستاویزروایتی بنگالی چٹائی اورجوٹ سے تیارکی گئی فائل میں اسمبلی میں لائی گئی، جسے ثقافتی پہچان اورمقامی شلپ سے جوڑکردیکھا جا رہا ہے۔
بجٹ تقریرکی شروعات میں ہی وزیرخزانہ سوپن داس گپتا نے ریاست کی مالی صورتحال کا بڑا انکشاف کیا۔ انہوں نے کہا کہ ریاست پر8 لاکھ 55 ہزارکروڑروپئے کا قرض ہے۔ وزیرخزانہ نے واضح اعلان کیا کہ ریاست میں چل رہی سبھی سماجی اسکیمیں جاری رہیں گی۔ اس بیان کوحکومت کی فلاحی اسکیموں کے تئیں عزائم کے طورپردیکھا جا رہا ہے۔
بنگال بجٹ میں شوبھیندو حکومت کا بڑا اعلان
شوبھندوحکومت نے ریاست میں 100,000 خالی اسامیوں کوپُرکرنے کے منصوبے کا اعلان کیا ہے۔ سب سے اہم بات یہ ہے کہ ان میں سے 33 فیصد اسامیاں خواتین کے لیے مخصوص ہیں، جس سے خواتین کوبااختیاربنانے اورروزگارکے نئے مواقع پیدا ہونے کی امید ہے۔ اس فیصلے کوممتا بنرجی کے”خواتین کی فلاح وبہبود اوربااختیاربنانے” کے طویل عرصے سے قائم سیاسی نیریٹیوکوچیلنج کرنے کی براہ راست کوشش کے طورپردیکھا جا سکتا ہے۔ اگربی جے پی حکومت 100,000 سرکاری ملازمتوں میں خواتین کے لئے 33 فیصد ریزرویشن فراہم کرتی ہے، تو وہ فلاحی امداد سے آگے بڑھنے اورمعاشی طورپربااختیاربنانے کا نیریٹیوبنانا چاہے گی۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
