نیٹ پیپر لیک معاملے پر دہلی کے جنتر منتر میں جاری کاکروچ جنتا پارٹی (سی جے پی) کے احتجاج کے دوران اتراکھنڈ پولیس کے ایک سپاہی شیر سنگھ نے ملازمت سے استعفیٰ دے دیا۔ استعفے کے بعد وہ سیدھے احتجاجی مقام پر پہنچے اور مظاہرین کی حمایت کا اعلان کرتے ہوئے تحریک میں شامل ہو گئے۔
اسٹیج پر پولیس کا بیج حوالے کر دیا
احتجاج کے دوران سی جے پی کے بانی ابھیجیت دیپکے نے شیر سنگھ کو اسٹیج پر مدعو کیا اور ان کے استعفے کی اطلاع دی۔ انہوں نے بتایا کہ 20 جولائی کو پارلیمنٹ مارچ کے دوران مظاہرین پر ہونے والے لاٹھی چارج سے دلبرداشتہ ہو کر شیر سنگھ نے یہ فیصلہ کیا۔اسٹیج سے خطاب کرتے ہوئے سابق پولیس اہلکار شیر سنگھ نے کہا، ’’اب لیڈروں کو سکیورٹی دینے کے بجائے میں عام لوگوں اور طلبہ کے حقوق کے لیے کھڑا ہونا چاہتا ہوں۔ اگر انصاف کی آواز اٹھانا بغاوت ہے تو میں باغی کہلانے کے لیے تیار ہوں۔‘‘ اس کے بعد انہوں نے اپنے کندھے سے اتراکھنڈ پولیس کا بیج اتار کر ابھیجیت دیپکے کے حوالے کر دیا۔
20 جون سے جاری ہے سی جے پی کا احتجاج
واضح رہے کہ کاکروچ جنتا پارٹی گزشتہ 20 جون سے جنتر منتر پر مسلسل احتجاج کر رہی ہے۔ پارٹی کے اہم مطالبات میں نیٹ امتحان میں مبینہ بے ضابطگیوں کے معاملے پر مرکزی وزیر تعلیم دھرمیندر پردھان کا استعفیٰ، امتحانی نظام میں اصلاحات اور متاثرہ طلبہ کو انصاف فراہم کرنا شامل ہے۔
ملک بھر میں احتجاجی مہم جاری
فی الحال سی جے پی نے ’’ہر ضلع، ایک دن، ایک مطالبہ‘‘ کے نعرے کے ساتھ ملک گیر پُرامن احتجاجی مہم شروع کر رکھی ہے۔ ایسے میں ایک پولیس اہلکار کا ملازمت چھوڑ کر اس تحریک میں شامل ہونا عوامی اور سیاسی حلقوں میں موضوعِ بحث بن گیا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
