اکھلیش یادو نے یوپی کے وزیراعلیٰ یوگی آدتیہ ناتھ کے بیان کا جواب دیا ہے۔ (فائل فوٹو)
سماجوادی پارٹی کے قومی صدر اور یوپی کے سابق وزیراعلیٰ اکھلیش یادو نے تین اراکین اسمبلی (ابھے سنگھ، راکیش پرتاپ سنگھ اور منوج پانڈے) کوپارٹی سے باہر کئے جانے کے بعد پہلی ردعمل کا اظہارکیا ہے۔ لکھنؤ میں ایک پریس کانفرنس کے دوران اکھلیش یادو نے صحافیوں کے سوالوں کا جواب دیتے ہوئے کہا کہ ان کی تکنینی رکاوٹ ختم ہوگئی ہے۔ اب وزیر بنیں۔
سماجوادی پارٹی کے سربراہ اکھلیش یادو نے کہا کہ اس میں تکنیکی رکاوٹیں آرہی تھیں۔ وہ وزیر نہیں بن پا رہے تھے۔ ان کو یہ کہہ کرٹالا جا رہا تھا کہ ابھی آپ سماجوادی پارٹی میں ہیں۔ اگرآپ وزیربنیں گے توآپ کواپنی رکنیت چھوڑنی پڑے گی اور الیکشن دوبارہ ہوں گے۔ وزیرنہیں بن پا رہے تھے، تو میں ان کی تکنیکی وجوہات کوختم کیا ہے۔ اب آپ پوچھیں گے کہ تین نکالے اور کیوں نہیں نکالے؟ وزیر سب کو بننا تھا، سب کو یقین دہانی کرائی گئی تھی۔ یہ تین وزیر بن جائیں تو باقی لوگوں کو بھی ہٹا دیں گے۔ بی جے پی کی ذمہ داری ہے کہ ان سب کو وزیربنائے۔ تو ہم سب نے طے کرکے وزیربننے کے لئے ان کو پارٹی سے نکالا ہے۔ اب بی جے پی کی ذمہ داری ہے کہ ان لوگوں کو وزیر بنائے تو باقی لوگوں کو بھی ہم ہٹا دیں تو وہ بھی وزیر بن جائیں۔
بی جے پی کے رکن پارلیمنٹ پر تنقید کی
اس دوران سماجوادی پارٹی کے سربراہ نے بی جے پی کے راجیہ سبھا رکن سنجے سیٹھ پر بھی تنقید کی۔ انہوں نے کہا کہ باغیوں کو کتنا پیکیج ملا یہ اس پرتو میں تبادلہ خیال نہیں کرنا چاہتا۔ کسی کے نام میں ہی پیکیج ہو تو سوچو کتنا پیکیج دے گا… سیٹھ… جو سیٹھ ہے، اس پرکچھ بھی ہوسکتی ہے۔
اکھلیش یادو نے اپنے اس بیان سے بی جے پی کو پھنسانے کی کوشش ہے۔ وہ بی جے پی پر یہ دباؤ بنانے کی کوشش کررہے ہیں کہ وہ اب باغیوں سے کیا اپنا ‘وعدہ’ نبھائے۔ واضح رہے کہ سال 2024 میں فروری میں شروع ہوئے راجیہ سبھا الیکشن میں سماجوادی پارٹی کے سات اراکین اسمبلی نے کراس ووٹنگ کی تھی۔ تقریباً 15 ماہ بعد سماجوادی پارٹی نے اس پر ردعمل کا اظہارکرتے ہوئے تین کو باہرکا راستہ دکھایا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
