یوپی میں کانگریس اور بی ایس پی الائنس سے متعلق ڈمپل یادو نے اپنی خاموشی توڑی ہے۔
UP BYPOLLS ELECTION RESULTS 2022:یوپی میں دو اسمبلی اور ایک لوک سبھا سیٹ پر ہوئے ضمنی انتخابات کے نتائج آ گئے ہیں۔ ووٹوں کی گنتی پوری ہو گئی ہے۔ ان تینوں سیٹوں پر بی جے پی اور سماج وادی پارٹی کے درمیان سیدھا مقابلہ تھا۔ تینوں نشستوں پر ہونے والے ضمنی انتخابات میں دونوں جماعتوں نے بھرپور طاقت استعمال کی تھی۔ بی جے پی کی جانب سے سی ایم یوگی نے خود کمان سنبھالی، جب کہ ایس پی کی جانب سے پارٹی صدر اور سابق وزیر اعلیٰ اکھلیش یادو خود مہم کو سنبھال رہے تھے۔
اتر پردیش میں مین پوری لوک سبھا سیٹ، رام پور صدر اور کھٹولی اسمبلی سیٹوں کے ضمنی انتخابات میں بی جے پی اور سماج وادی پارٹی-راشٹریہ لوک دل (آر ایل ڈی) اتحاد کے درمیان سیدھا مقابلہ تھا۔ کیونکہ کانگریس اور مایاوتی کی پارٹی بی ایس پی نے ان سیٹوں پر الیکشن نہ لڑنے کا فیصلہ کیا تھا۔ لیکن اگر سب سے زیادہ نظریں کسی بھی سیٹ پر جمی ہوئی تھیں، تو وہ مین پوری ہے، جہاں اکھلیش یادو دوہری ذمہ داری میں تھے۔ جنہیں نہ صرف اپنے والد کی وراثت کو بچانا تھا بلکہ اپنی اہلیہ ڈمپل کو بھی الیکشن جیتانا تھا۔
اعظم گڑھ کے بعد اب بھارتیہ جنتا پارٹی سماج وادی پارٹی کے گڑھ مین پوری میں بھی بھگوا جھنڈا لہرانا چاہتی تھی۔ شاید اسی لیے خود سی ایم یوگی نے مین پوری میں کئی جلسوں سے خطاب کیا۔ اس دوران وزیر اعلیٰ یوگی نے سیفئی خاندان پر حملہ کیا۔ بھتیجے اکھلیش کے ساتھ آئے چچا شیو پال یادو کی سیکورٹی ہٹانے کے ساتھ ہی گومتی ریور فرنٹ میں سی بی آئی کی جانچ میں شیو پال یادو سے پوچھ گچھ کی اجازت بھی دی گئی۔ تو دوسری طرف اکھلیش یادو اس کے بعد یوگی حکومت پر حملہ کرتے نظر آئے۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
