پریاگ راج میں عتیق احمد کے قریبی کے خلاف کارروائی کی گئی ہے۔
Umesh Pal Murder Case: امیش پال قتل معاملے میں یوپی کے وزیراعلیٰ یوگی آدتیہ ناتھ کے سخت تیوروں کے بعد انتظامیہ نے سابق رکن پارلیمنٹ عتیق احمد کے قریبی لوگوں کے خلاف کارروائی تیزکردی ہے۔ جمعہ کے روزتیسرے دن پریاگ راج میں ایک بارپھربلڈوزر چلا ہے۔ پریاگ راج ڈیولیمپنٹ اتھارٹی (پی ڈی اے) نے عتیق احمد کے قریبی معاونین کی جائیداد کو منہدم کرنا شروع کردیا ہے۔ یہ کارروائی مسکن الدین کے خلاف کی جارہی ہے، جوعتیق احمد کا فائننسربتایا جا رہا ہے۔
جانکاری کے مطابق، دھومن گنج تھانے کی طرف سے پی ڈی اے کا بلڈوزرنکلا تھا۔ چار الگ الگ علاقوں سے بلڈوزر موقع پر پہنچے، جس کے بعد وہاں بھیڑ جمع ہوگئی تھی۔ لوگوں کے ہجوم کے دوران بلڈوزرسے عتیق احمد کے معاونین کی جائیداد کو منہدم کرنے کا کام شروع کردیا گیا ہے۔
اس سے قبل جمعرات کوعتیق احمد کے معاون صفدرعلی کا پریاگ راج کے چکیا علاقے میں واقع مکان منہدم کیا گیا تھا۔ بلڈوزر چلانے سے پہلے مکان میں رکھا سامان باہرنکالا گیا اور پھر مکان کو منہدم کردیا گیا۔ صفدرعلی کوعتیق احمد کے ہتھیاروں کا سپلائربتایا جارہا ہے۔
#WATCH उत्तर प्रदेश: प्रयागराज विकास प्राधिकरण (पीडीए) ने अतीक अहमद के करीबी सहयोगी की संपत्तियों को गिराना शुरू किया। pic.twitter.com/t1Ifb5To7b
— ANI_HindiNews (@AHindinews) March 3, 2023
امیش پال کے قتل کے بعد ایکشن میں انتظامیہ
راجوپال قتل کے اہم گواہ امیش پال کا سرعام قتل سانحہ نے ریاست کے لا اینڈ آرڈرپرسوال اٹھا دیئے ہیں۔ ایک طرف، ریاست میں غنڈہ راج اورمافیا راج ختم کرنے کا یوگی حکومت دعویٰ کرتی ہے۔ وہیں امیش پال کے گھرکے سامنے ان کو گولیوں سے چھلنی کئے جانے اوربم پھینکے جانے کے حادثہ سے متعلق اپوزیشن نے حکومت کوایوان میں جم کرگھیرا ہے۔
وہیں اپوزیشن کے حملوں کا جواب دیتے ہوئے وزیراعلیٰ یوگی آدتیہ ناتھ نے کہا تھا کہ ان مافیاؤں کومٹی میں ملانے کا کام یہ حکومت کرے گی۔ وزیراعلیٰ یوگی نے کہا کہ عتیق احمد کو رکن پارلیمنٹ اور رکن اسمبلی کس پارٹی نے بنایا؟ سماجوادی پارٹی چوری اور سینہ زوری نہ کرے۔ سماجوادی پارٹی کی رگ رگ میں مافیا بسا ہے۔ ہم مافیاؤں کو مٹی میں ملا دیں گے۔ انہوں نے مزید کہا کہ پریاگ راج کے سانحہ پرحکومت زیرو ٹالرینس کی پالیسی کی بنیاد پر کام ہو رہا ہے۔
-بھارت ایکسپریس
