وزیر اعظم نریندر مودی نے اگرتلہ میں انتخابی ریلی کو خطاب کیا۔
PM Modi Target Left and Congress in Tripura Elections 2023: وزیراعظم مودی نے پیر کے روز اگرتلہ میں ایک انتخابی ریلی کو خطاب کیا۔ 16 فروری کو ہونے والی انتخابی تشہیر میں بی جے پی مصروف ہے۔ اسی ضمن میں وزیراعظم مودی نے اگرتلہ میں ایک انتخابی ریلی کو خطاب کرتے ہوئے کہا کہ آج بی جے پی کے حق میں ماحول اس لئے ہے کیونکہ تری پورہ کے لوگوں کو ترقی آنکھوں کے سامنے نظرآرہی ہے۔ انہوں نے کہا کہ تریپورہ میں آج کوئی ایسا خاندان نہیں ہے، جس کی بی جے پی حکومت نے آگے بڑھ کرخدمات نہ کی ہو۔
وزیراعظم نریندر مودی نے کہا کہ تریپورہ کے نوجوانوں، ماتا-بہنوں نے چندہ کمپنی والوں کو پھر سے ’ریڈ کارڈ‘ دکھا دیا ہے۔ تری پورہ کے لوگوں نے اعلان کردیا ہے، انہیں سب کا ساتھ، سب کا وکاس والی حکومت چاہئے۔ انہوں نے کہا کہ اس الیکشن میں مجھے جہاں بھی جانے کا موقع ملا ہے، میں نے دیکھا ہے کہ پھرایک بی جے پی کی حکومت بنانے کا من تری پورہ کے لوگوں نے بنالیا ہے۔ ڈبل انجن کی حکومت کے لئے آپ کی حمایت دیکھ کر میری خوشی بھی ڈبل ہوگئی ہے۔
त्रिपुरा: प्रधानमंत्री नरेंद्र मोदीअगरतला के स्वामी विवेकानंद मैदान में एक जनसभा में शामिल हुए। pic.twitter.com/RodYkRlUPy
— ANI_HindiNews (@AHindinews) February 13, 2023
سابقہ لیفٹ حکم پر برسے وزیراعظم
وزیراعظم مودی نے کہا کہ ترقی کی پہلی شرط ہوتی ہے کہ لا اینڈ آرڈر کا راج۔ تری پورہ کو بائیں بازو کی حکومت نے تباہ کاری کے راستے پر دھکیل دیا تھا۔ یہاں جو حال تھے، اسے تری پورہ کے لوگ کبھی بھی نہیں بھول سکتے۔ لیفٹ پارٹیوں نے تری پورہ کے لوگوں کو اپنا غلام سمجھ لیا تھا۔ انہوں نے کہا کہ بیماری کی حالت میں علاج کا خرچ کسی بھی غریب کے لئے سب سے بڑی تشویش ہوتی ہے۔ اس لئے مرکز کی بی جے پی حکومت ’آیوشمان یوجنا‘ لے کرآئی ہے۔ اس اسکیم کے تحت تری پورہ کے تقریباً 2 لاکھ لوگوں نے اسپتال میں اپنا مفت علاج کروایا ہے۔
یہ بھی پڑھیں: Delimitation of Jammu and Kashmir: جموں وکشمیر میں اسمبلی سیٹوں کی حد بندی کو سپریم کورٹ نے ٹھہرایا درست
وزیراعظم نے رویندر ناتھ ٹیگور کا کیا ذکر
وزیراعظم نریندر مودی نے کہا کہ مہاراج رادھا کشور مانکیہ بہادر تری پورہ کی ترقی کے سب سے بڑے علمبردار تھے۔ ان کے دور کی ترقی آج بھی تری پورہ کی شان ہے۔ تری پورہ کی اس پہچان کو 21ویں صدر کا نیا آیام دینے کے لئے ہم نے ہائی وے، ریلوے اور ایئروے کا عزم لیا تھا۔ انہوں نے کہا کہ مہاراجہ رادھا کشور مانکیہ بہادراورگرو دیورویندرناتھ ٹیگور نے جو راستہ دکھایا، اسی بنیاد پر بی جے پی نے تریپورہ کو گڈ گورننس دیا ہے۔
-بھارت ایکسپریس
