راجیہ سبھا الیکشن سے قبل بنگال میں ترنمول کانگریس (ٹی ایم سی) کے تین سابق اراکین پارلیمنٹ (راجیہ سبھا) بی جے پی میں شامل ہوگئے ہیں۔ سشمتا دیو، سوکھیندو شیکھررائے اور پرکاش باریک بی جے پی میں شامل ہوگئے۔ بی جے پی کے سینئر لیڈر شمک بھٹا چاریہ نے تینوں لیڈران کے بی جے پی میں شامل ہونے کا باضابطہ اعلان کیا ہے۔ بتایا جا رہا ہے کہ بی جے پی تینوں کو بچے ہوئے ٹرم کے لئے راجیہ سبھا بھیج سکتی ہے۔ 14 جولائی، 2024 کو پرچہ نامزدگی کا آخری دن ہے۔
نیشنلسٹ سٹیزنس پارٹی آف انڈیا (این سی پی آئی) کے رکن پارلیمنٹ اورٹی ایم سی کے سابق ایم پی یوسف پٹھان بھی مغربی بنگال کے وزیراعلیٰ شوبھیندوادھیکاری سے ملاقات کرنے پہنچے۔ یوسف پٹھان کے دورے سے پہلے اداکار پرسین جیت چٹرجی نے وزیراعلیٰ سے ایڈمنسٹریٹیوہیڈ آفس میں ملاقات کی۔ بنگال دورے پرمرکزی وزیر داخلہ امت شاہ نے پرسین جیت سے ان کی رہائش گاہ پرملاقات کی تھی۔
#WATCH | Kolkata, West Bengal: Former TMC Rajya Sabha MPs, Sushmita Dev, Prakash Chik Baraik and Sukhendu Sekhar Roy, join the BJP, in the presence of State BJP president Samik Bhattacharya pic.twitter.com/Nm8xLYYQat
— ANI (@ANI) July 9, 2026
وزیراعظم مودی کی اپیل پرہوگا عمل
سمک بھٹا چاریہ نے کہا کہ ان راجیہ سبھا اراکین کی کارکردگی کافی اچھی رہی ہے اوراسے سبھی جانتے ہیں۔ وزیراعظم مودی نے ملک کی عوام کے سامنے کہا ہے کہ مغربی بنگال کوایک ساتھ چلنا ہوگا۔ سمک بھٹاچاریہ نے کہا کہ ان اراکین پارلیمنٹ نے عزم کیا ہے کہ بنگال کی ترقی کرنی ہے اوراس مقصد سے ان اراکین نے بی جے پی کے ساتھ چلنا قبول کیا ہے۔ انہوں نے کہا کہ بی جے پی کا ایک ہی لائن ہے اوربی جے پی کے کارکنان متحد ہیں اورایک پالیسی پرعمل کرتے ہیں۔
#WATCH | Kolkata, West Bengal: After joining the BJP, Former TMC Rajya Sabha MP Sukhendu Sekhar Roy says, “…Rarely in any Indian state has there been a voter turnout of 96–97 per cent, as our President noted regarding this election. She (Mamata Banerjee) is finished; her party… pic.twitter.com/SLCpLQMnEg
— ANI (@ANI) July 9, 2026
الیکشن میں ہارکے بعد دیا تھا استعفیٰ
واضح رہے کہ اسمبلی الیکشن میں شکست کے بعد ان تین اراکین نے ٹی ایم سی سے استعفیٰ دے دیا تھا۔ ٹی ایم سی سے استعفیٰ دینے کے بعد سشمتا دیو نے آسام کے وزیراعلیٰ ہیمنت بسوا سرما سے ملاقات کی تھی۔ اس ملاقات کے بعد اب تینوں اراکین پارلیمنٹ بی جے پی میں شامل ہوگئے ہیں۔ اس موقع پرسکھیندو شیکھررائے نے کہا کہ گزشتہ حکومتوں نے بنگال کو ریگستان بنا دیا تھا، جو بنگال ملک کی قیادت کرتا تھا، ہرجگہ گھوٹالہ ہی گھوٹالہ تھا۔ اس ریگستان میں آج بنگال کی عوام نے فیصلہ لیا ہے اوربی جے پی کو موقع دیا ہے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
