بہارمیں وی آئی پی سیکورٹی سسٹم سے متعلق بڑا انتظامی فیصلہ لیا گیا ہے۔ بی جے پی کے قومی صدرنتن نوین کواب زیڈ پلس سیکورٹی فراہم کی گئی ہے۔ وہیں بہارمیں اپوزیشن لیڈرتیجسوی یادوکی سیکورٹی کو گھٹاکرزیڈ سے وائی زمرے کی کردی گئی ہے۔ بی جے پی کے ریاستی صدرسنجے سراوگی کوزیڈ پلس زمرے کی سیکورٹی ملی ہے۔ وہیں مرکزی وزیر اورجے ڈی یو سے رکن پارلیمنٹ للن سنگھ، وزیرصحت اوربی جے پی لیڈر منگل پانڈے کوزیڈ پلس کیٹیگری کی سیکورٹی فراہم کی گئی ہے۔
اس کے علاوہ بہارکانگریس کے سابق صدراورایم ایل سی مدن موہن جھا، بہارکانگریس کے ریاستی صدر راجیش کمار، آرجے ڈی کے قومی نائب صدراوراسمبلی کے سابق اسپیکرادے نارائن چودھری کی وائی کیٹیگری کی سیکورٹی بھی پوری طرح ہٹالی گئی ہے۔ سرکاری ذرائع کے مطابق، یہ تبدیلی سیکورٹی ایجنسیوں کے ذریعہ کئے گئے نئے خطرے کے اندازے کی بنیاد پرکیا گیا ہے۔
سیکیورٹی کے جائزے کے بعد کی گئی تبدیلیاں
بہارکے سرکردہ لیڈروں کی سیکورٹی کے زمرے میں یہ تبدیلی مرکزی اورریاستی حکومتوں کے سیکورٹی جائزہ کے بعد ہوئی ہے۔ تاہم، اپوزیشن نے اسے سیاسی طورپرمحرک قراردیا ہے، جبکہ حکومت کا موقف ہے کہ یہ فیصلہ خطرے کی تشخیص کی بنیاد پرکیا گیا تھا۔
اپوزیشن نے حکومت کے فیصلے پراٹھایا سوال
حکومت کا موقف ہے کہ سیکورٹی تبدیلیاں صرف سیکورٹی ایجنسیوں کے جائزے پرمبنی ہیں اوراس میں کوئی سیاسی تعصب نہیں ہے۔ تاہم اپوزیشن نے سابق نائب وزیراعلیٰ اورآرجے ڈی لیڈر تیجسوی یادوکی سیکورٹی میں تخفیف کئے جانے سے متعلق سوال اٹھانا شروع کردیئے ہیں۔ آرجے ڈی کا دعویٰ ہے کہ یہ جان بوجھ کراورایک سوچی سمجھی حکمت عملی کے حصے کے طورپرکیا گیا تھا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
