ہندوستان اور پاکستان کے درمیان جنگ بندی کے بعد ایسا خیال کیا جا رہا تھا کہ ہندوستان ’سندھ آبی معاہدہ‘ کی معطلی ختم کر دے گا، لیکن ایسے آثار اب بالکل بھی دکھائی نہیں دے رہے ہیں۔ جمعرات (15 مئی) کو ہندوستانی وزیر خارجہ نے اس معاہدہ پر ایک انتہائی اہم بیان دیا ہے۔ انہوں نے نامہ نگاروں سے بات کرتے ہوئے کہا کہ ’’سندھ آبی معاہدہ معطل ہے اور اس وقت تک معطل رہے گا جب تک پاکستان دہشت گردی کو مضبوطی کے ساتھ روک نہیں دیتا۔ کشمیر پر بات کرنے کے لیے صرف ایک چیز رہ گئی ہے، اور وہ ہے مقبوضہ کشمیر کو خالی کرنا۔‘‘
#WATCH | Delhi | “…The Indus Waters Treaty is held in abeyance and will continue to be held in abeyance until the cross-border terrorism by Pakistan is credibly and irrevocably stopped… The only thing which remains to be discussed on Kashmir is the vacating of illegally… pic.twitter.com/rY1SxHI7Td
— ANI (@ANI) May 15, 2025
ہمارے پاس اقوام متحدہ کی سلامتی کونسل کی منظوری تھی کہ مجرموں کو جوابدہ ٹھہرایا جانا چاہیے
ایس جے شنکر کے مطابق ہمیں یقینی طور پر بین الاقوامی حمایت حاصل ہوئی ہے۔ ہمارے پاس اقوام متحدہ کی سلامتی کونسل کی منظوری تھی کہ مجرموں کو جوابدہ ٹھہرایا جانا چاہیے۔ 7 مئی کو انہیں ’آپریشن سندور‘ کے ذریعہ جواب دہ ٹھہرایا گیا۔ انہوں نے مزید کہا کہ ’’پاکستان کے ساتھ ہمارے تعلقات اور معاملات مکمل طور سے دو فریقی ہوں گے۔ اس پر برسوں سے قومی اتفاق ہے اور اس میں بالکل بھی تبدیلی نہیں ہوئی ہے۔‘‘ ساتھ ہی انہوں نے کہا کہ ’’وزیر اعظم نے واضح کر دیا ہے کہ پاکستان کے ساتھ بات چیت صرف دہشت گردی پر ہوگی۔ پاکستان کے پاس دہشت گردوں کی ایک فہرست ہے، جسے حوالے کرنے کی ضرورت ہے اور ساتھ ہی انہیں دہشتگردوں کے بنیادی ڈھانچے کو بھی بند کرنا ہوگا۔ وہ جانتے ہیں کہ کیا کرنا ہے، ہم ان کے ساتھ دہشت گردی کے بارے میں بات کرنے کے لیے تیار ہیں۔ یہ وہ مذاکرات ہیں جو ممکن ہیں۔‘‘
ہم نے دہشت گردوں کے ڈھانچے کو تباہ کر کے اپنے مقرر کردہ ہدف حاصل کر لیے گئے ہیں
ہند و پاک کے درمیان گولی باری اور فوجی کارروائی بند کرنے پر وزیر خارجہ نے کہا کہ ’’ہم نے دہشت گردوں کے ڈھانچے کو تباہ کر کے اپنے مقرر کردہ ہدف حاصل کر لیے گئے ہیں۔ کیونکہ آپریشن کی شروعات میں ہی ہم نے پاکستان کو یہ پیغام دے دیا تھا کہ ہم دہشت گردوں کے ٹھکانوں پر حملہ کر رہے ہیں۔ ایسے میں فوج کے پاس اختیار ہے کہ وہ الگ کھڑی رہے اور مداخلت نہ کرے۔‘‘ جے شنکر کے مطابق پاکستان نے اس صلاح کو ماننے کا فیصلہ کیا۔ 10 مئی کی صبح انہیں بری طرح سے نقصان پہنچا۔ سیٹلائٹ تصاویر سے پتہ چلتا ہے کہ ہم نے کتنا نقصان کیا اور انہوں نے کتنا کم نقصان کیا۔ یہ واضح ہے کہ گولی باری کون بند کرنا چاہتا تھا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
