مدھیہ پردیش کے سابق وزیر اعلیٰ شیوراج سنگھ چوہان نے بدھنی اسمبلی سیٹ سے استعفیٰ دے دیا ہے۔ (فائل فوٹو)
Shivraj Singh Chouhan Resigns: مدھیہ پردیش کے سابق وزیراعلیٰ، مرکزی وزیراور بدھنی سے رکن اسمبلی شیوراج سنگھ چوہان نے پیرکے روز بدھنی اسمبلی سیٹ سے اپنا استعفیٰ دے دیا ہے۔ اس دوران شیوراج سنگھ چوہان کافی جذباتی ہوگئے۔
شیوراج سنگھ چوہان نے کہا، ”آج میں بہت جذباتی ہوں۔ میں نے مدھیہ پردیش اسمبلی کی رکنیت سے استعفیٰ دیا ہے۔ میں بدھنی سے رکن اسمبلی تھا اوربدھنی اسمبلی حلقہ کی عوام میرے رگ رگ میں بستی ہے، میری ہرسانس میں بستی ہے۔ میں نے بدھنی سے ہی اپنی عوامی زندگی کی شروعات کی تھی۔ بچپن سے ہی تحریک چلائی اورپھرعوام کا پیارمسلسل ملتا چلا گیا۔”
انہوں نے کہا، ”اسی مدھوبنی اسمبلی حلقہ سے میں 6 باررکن اسمبلی رہا، لوک سبھا کے الیکشن میں بھی 6 باراسی عوام نے زبردست اکثریت سے مجھے جتایا۔ گزشتہ اسمبلی الیکشن میں میں نے ریکارڈ ایک لاکھ 5 ہزار ووٹوں سے جیتا تھا اور ابھی لوک سبھا میں اسی عوام نے مجھے جتایا۔ شیو راج سنگھ چوہان نے کہا، ”بدھنی کی عوام کی خدمت میں نے پورے دل سے کی ہے، کیونکہ عوام کی خدمت ہی میرے لئے خدا کی عبادت ہے اوراس عوام نے بھی مجھے بھرپورپیار دیا ہے، آشیرواد دیا ہے۔ عوام کے اس پیار پر میری پوری زندگی قربان ہے اوراپنی مکمل صلاحیت کے ساتھ میں عوام کی خدمت میں لگا رہوں گا۔ اپنے دل سے محبوب عوام کا بہت بہت شکریہ۔”
मेरे लिए यह अत्यंत भावुक पल है… pic.twitter.com/x4wdO0RuU2
— Shivraj Singh Chouhan (मोदी का परिवार ) (@ChouhanShivraj) June 17, 2024
بی جے پی اعلیٰ کمان نے مدھیہ پردیش کے سابق وزیراعلیٰ شیوراج سنگھ چوہان کو ودیشا سیٹ سے امیدواربنایا تھا۔ شیوراج سنگھ چوہان نے ودیشا سے ریکارڈ 8 لاکھ سے زیادہ ووٹوں سے جیت حاصل کی ہے۔ یہ ان کی ریاست کی دوسری سب سے بڑی جیت مانی جا رہی ہے۔ پہلے نمبر پراندور کے شنکرلالوانی رہے۔ انہوں نے 10 لاکھ سے زیادہ ووٹوں سے جیت درج کی ہے۔ اس سیٹ پرکانگریس امیدوار نے اپنا نام واپس لے لیا تھا، جس کے بعد سے کوئی دوسرا امیدوارنہیں تھا۔ کانگریس نے نوٹا کے لئے تحریک چلائی، جس کے بعد اس سیٹ پر نوٹا کو لاکھوں ووٹ ملے۔
بھارت ایکسپریس۔
