این سی پی سربراہ شرد پوار۔ (فائل فوٹو)
NCP Sharad Pawar: ملک کے سینئر سیاسی لیڈران میں سے ایک اور این سی پی کے قومی صدر شرد پوار نے ریٹائرہونے کا اعلان کیا ہے۔ اپنی زندگی سے متعلق ایک کتاب کے اجراء تقریب میں خطاب کرتے ہوئے انہوں نے کہا، میں نے آج نیشنلسٹ کانگریس پارٹی (این سی پی) کے قومی صدر عہدے سے ریٹائرہونے کا فیصلہ کیا ہے۔
#WATCH | “I am resigning from the post of the national president of NCP,” says NCP chief Sharad Pawar pic.twitter.com/tTiO8aCAcK
— ANI (@ANI) May 2, 2023
اس موقع پر اپنی اہلیہ پرتبھا کے ساتھ موجود رہے 82 سال شرد پوار نے کہا، ’مجھے معلوم ہے کہ کب رکنا ہے… میں نے این سی پی کے سینئر لیڈران کی ایک کمیٹی تشکیل دی ہے، جو اگلے صدر کے بارے میں فیصلہ کرے گی۔‘ ذرائع کے مطابق، پارٹی کی کمان کون سنبھالے گا اور اسے آگے کون بڑھائے گا، یہ طے کرنے کے لئے ایک کمیٹی کی تشکیل کی گئی ہے۔ اس کمیٹی میں پرفل پٹیل، سنیل تٹکرے، اجیت پوار، جینت پاٹل اور پارٹی کے کچھ دیگرسینئر لیڈران کو شامل کیا گیا ہے۔ واضح رہے کہ شرد پوار نے سال 1999 میں کانگریس سے الگ ہوکر نیشنلسٹ کانگریس پارٹی (این سی پی) کا قیام کیا تھا اور تب سے وہ صدر عہدے پر فائز تھے۔
