وزیر خارجہ ایس جے شنکر۔ (فائل فوٹو)
وزیر خارجہ ایس جے شنکر نے جمعہ کو اپنے ایرانی ہم منصب عباس عراقچی کے ساتھ فون پر بات کی۔ انھوں نے ایران کے نقطۂ نظر اور سوچ کو شیئر کرنے کے لیے عراقچی کی تعریف کی اور ہندوستانی شہریوں کے محفوظ انخلاء میں مدد فراہم کرنے کے لیے ایران کا شکریہ ادا کیا۔ یہ بات چیت مشرق وسطیٰ میں بڑھتی ہوئی کشیدگی کے درمیان ہوئی ہے، جہاں علاقائی تنازعات اور پیچیدہ جغرافیائی سیاسی حالات عالمی تشویش کا باعث بنے ہوئے ہیں۔
سوشل میڈیا پلیٹ فارم ’ایکس‘ پر پوسٹ کرتے ہوئے کہا کہ ’’آج سہ پہر ایران کے وزیر خارجہ عباس عراقچی سے بات کی۔ موجودہ پیچیدہ صورت حال میں ایران کے نقطہ نظر اور نظریے کو شیئر کرنے کے لیے میں ان کی تعریف کرتا ہوں۔ ہندوستانی شہریوں کے محفوظ انخلاء میں مدد کرنے کے لیے میں نے ان کا شکریہ ادا کیا۔‘‘
Spoke to FM @araghchi of Iran this afternoon.
Appreciate his sharing Iran’s perspective and thinking in the current complex situation.
Thanked him for facilitating the safe evacuation of Indian nationals.
🇮🇳 🇮🇷
— Dr. S. Jaishankar (@DrSJaishankar) June 27, 2025
ہندوستان اور ایران کے تعلقات ہمیشہ سے رہے ہیں بہتر
واضح رہے کہ ہندوستان اور ایران کے درمیان دیرینہ دوستانہ تعلقات ہیں اور دونوں ممالک مختلف علاقائی اور عالمی مسائل پر مل کر کام کر رہے ہیں۔ اس بات چیت کو ان تعلقات کو مزید مضبوط بنانے کی جانب ایک قدم سمجھا جا رہا ہے۔ بھارت کشیدگی کو کم کرنے اور امن کے قیام کے لیے خطے کے تمام فریقوں کے ساتھ بات چیت جاری رکھنے کے لیے پرعزم ہے۔
ایس جے شنکر نے ایران کی مدد پر زور دیا اور کہا کہ ہندوستانی شہریوں کی محفوظ واپسی میں ایران کا تعاون قابل ستائش ہے۔ واضح رہے کہ ہندوستان نے خطے میں پھنسے اپنے شہریوں کو نکالنے کے لیے وسیع سفارتی کوششیں کی ہیں۔ دریں اثنا وزارت خارجہ نے ہندوستانی شہریوں سے اپیل کی ہے کہ وہ ایران کا سفر کرنے سے پہلے احتیاط برتیں اور وزارت کے مشورے پر عمل کریں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
