ہندوستان کے وزیر خارجہ ڈاکٹر ایس جے شنکر نے جمعرات کے روز روسی صدر ولادیمیر پوتن سے ملاقات کی اور دونوں ممالک کے درمیان تعلقات کو مزید وسعت دینے کے امکانات پر تبادلۂ خیال کیا۔ اس ملاقات سے قبل وزیر خارجہ ایس جے شنکر نے روسی وزیر خارجہ سرگئی لاوروف کے ساتھ جامع مذاکرات بھی کیے اور دونوں ممالک کے درمیان تجارتی تعاون کو بڑھانے پر خصوصی زور دیا۔
ملاقات کے بعد مشترکہ پریس کانفرنس کے دوران وزیر خارجہ ایس جے شنکر نے کہا کہ ’’دوسری جنگِ عظیم کے بعد بھارت اور روس کے تعلقات دنیا کے سب سے مستحکم تعلقات میں شمار ہوتے ہیں۔‘‘ انھوں نے مزید کہا کہ جغرافیائی سیاسی ہم آہنگی، اعلیٰ سطحی قیادت کا رابطہ اور عوامی جذبات، ان تعلقات کی بنیاد ہیں۔ واضح رہے کہ وزیر خارجہ ایس جے شنکر منگل کو ماسکو پہنچے تھے، جہاں ان کا مقصد صدر پوتن کے متوقع دورۂ بھارت (نومبر یا دسمبر میں) سے متعلق امور کو حتمی شکل دینا بھی تھا۔
Honored to call on President Putin at the Kremlin today. Conveyed the warm greetings of President Droupadi Murmu & Prime Minister @narendramodi.
Apprised him of my discussions with First DPM Denis Manturov & FM Sergey Lavrov. The preparations for the Annual Leaders Summit are… pic.twitter.com/jJuqynYrlX
— Dr. S. Jaishankar (@DrSJaishankar) August 21, 2025
یہ ملاقات ایک ایسے وقت میں ہوئی ہے جب بھارت اور امریکہ کے درمیان کشیدگی بڑھ رہی ہے۔ امریکہ نے بھارت کی جانب سے سستا روسی تیل خریدنے پر اعتراض کرتے ہوئے بھارتی مصنوعات پر مجموعی طور پر 50 فیصد درآمدی محصولات عائد کر دیے ہیں۔ دوسری جانب روس نے بدھ کو اعلان کیا کہ اس نے بھارت کے ساتھ توانائی کے شعبے میں تعاون کو امریکی پابندیوں سے بچانے کے لیے ایک ’’خصوصی میکانزم‘‘ فعال کر دیا ہے۔
روس نے بھارت اور روس کے توانائی تعلقات کا دفاع کرتے ہوئے مغربی دباؤ کو ’’غیر منصفانہ‘‘ اور ’’نوآبادیاتی ذہنیت‘‘ قرار دیا ہے۔ دریں اثنا امریکی وزیر خزانہ اسکاٹ بیسنٹ نے ایک بار پھر ہندوستان پر اضافی پابندیوں کی دھمکی دی ہے، جو کہ ٹرمپ دور کی موجودہ تجارتی پابندیوں کے علاوہ ہوں گی۔ ایسے میں وزیر خارجہ ایس جے شنکر کی روسی صدر سے یہ ملاقات اہم مانی جا رہی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
